An-no le drê dè no pyindre? Bin chur ke no j’atindin ti la nê. No j’atindin la pé, no j’atindin le bouneu, la chindâ. Pu tyè onkora?
Ma, ditè-mè, tyè ke porè bin no mankâ, din nouthron payi?  On bokon dè réjon poutithre!
L’y a di j’afére ke fan a drèhyi lè pê chu la titha: Din on indrê, in Chuiche, l’an fê a dre na Mècha po ke la nê rèarouvichè! Mè krêyo ke le bon Dyu l’a bin ruju. I dyon ke Dyu l’a fê le tin, ma apri, l’a prou chur léchi kore. L’a bin di j’ôtro tsa a fouatâ.
Adon ke di milyon dè dzin, rèfujiyi, martalon dè frê din di kan dè fortena. I atindon tyè, hou-inke? Rintrâ intye-là, ma kan, è kemin.
Le mondo l’è konpyètamin fou, è din prà dè payi, to va dè rouvena. È i beton to chin chu le konto dè lou Dyu. On chè dèmandè vouéro n’in d’a par lé-Hô… è le tyin porè bin no j’invouyi on kou la pé?
Vvo kouâjo on boun’An, pyin dè chapyinthe è dè réjon. Anne Marie Yerly
 

Nous ne sommes pas à plaindre
Avons-nous le droit de nous plaindre ? Bien sur que nous attendons la neige. Nous attendons la paix, nous attendons le bonheur, la santé. Et quoi encore?
Mais, dites-moi, qu’ est ce qu’il pourrait bien nous manquer dans notre pays? Un peu de raison peut être.
Il y a des choses qui font dresser les cheveux sur la tête. Dans un endroit, en Suisse, on a fait dire une messe pour le retour de la neige ! Je crois que le bon Dieu a bien rit. On dit que le bon Dieu a fait le temps, mais après  il l’a certainement lassé courir. Il a d’autres chats à fouetter.
Alors que des millions de personnes, réfugiées, grelottent de froid dans des camps de fortune. Ils attendent quoi, ceux-là? Rentrer chez eux, mais quand, et comment.
Le monde est complètement fou, et dans beaucoup de pays tout va de travers. Et ils mettent tout ça sur le compte de leur Dieu. On se demande combien il y en a,  là-haut…et lequel pourrait bien nous envoyer une fois la paix.
Je vous souhaite une bonne Année, pleine de sagesse et de raison. Anne Marie Yerly