A kouja dou drôlo dè tin ke no j’an cht’i l’evê, la natura va a rèbedou. Moujâdè on bokon. L’ôtri l’é oyu tsantâ la mayintsèta, vo chédè, ha ke fâ «furi furi furi». L’è adon k’on chovinyi d’èkoula mè rèvunyu: Chu le lêvro dè lèkture di pye grô, ke l’ou dejan «le cours supérieur», l’i avi tan dè galé konto. Intr’ôtro «La boîte aux lettres» dè René Bazin.

Moncheu l’inkourâ d’on piti velâdzo è cha bouna chêrvinta Philomène, l’avan on bi grô kurti, on dzordi, on kayon, di dzeniyè… anfin to chin ke fô po vivre chin rin dèmandâ a nyon. To pri dè l’intrâye, l’avan na bouêthe a lètrè, ma le fakteu pachâvè pâ chovin. Chin fâ ke on bi matin, la chêrvinta, irâye, l’a de a Moncheu: «Lè tyintè monètyâ dè mayintsètè, l’an kontchi mon pâyèmin, pu i fan lou ni din vouthra bouêthe a lètrè.»

«Ma, chôpyé Philomène, bin ôtyè tyè chin! Léchidè-lè fére, kan la kovèrâ ch’invôlèrè, no farin le minâdzo. Po le pou dè lètrè ke rèchyêvo, richkè pâ tan.» Philomène l’è modâye a l’othô in rônin. Le tin l’a pachâ, ti lè dzoua Moncheu alâvè achoroyi. «Trè chenannè, ke l’ou fô, tantyè ke lè j’ojalè èhyoujan, pu apri i keminthon a vôlâ.»

Trè grôchè chennanè l’ an pachâ. Tyin pyiéji po chi bon prithre dè vêre le bouneu dè hou piti j’oji, la mére dzoukâvè chu lè j’à, le pâre l’i portâvè a medji. Pu on bi matin l’a oyu tsetsèyi din le ni: «I tsetsèyion, Philomène, i tsetsèyion!» To chè bin pachâ. Lè piti l’an prê l’ê, dzoyàjamin. Philomène l’a anfin pu fére le minâdzo dè hou «monètyâ» dè mayintsètè.

Ma, ou fon de la bouêthe, l’an trovâ… ouna lètra. Ouna lètra k’atindê du gayâ on mê. Monchênyeu l’ Èvètyè, anonhyivè a Moncheu ke l’avê dèchidâ dè le nonmâ Doyin du Dèkana!

Anne Marie Yerly

La boîte aux lettres

A cause du drôle de temps que nous avons cet hiver, la nature est tourneboulée. Pensez un peu. L’autre jour, j’ai entendu la mésange, vous savez celle qui fait «furi… printemps». C’est alors qu’un souvenir d’école m’est revenu: «Dans le livre de lecture des plus grands, que l’on appelait alors «le cours supérieur», il y avait de si jolis contes. Entre autres «La boîte aux lettres» de René Bazin.

Mr. le curé d’un petit village et sa bonne servante Philomène, avaient un beau et grand jardin, un verger, un cochon, des poules, enfin tout ce qu’il faut pour vivre sans rien demander à personne. Tout près de l’entrée il y avait la boîte aux lettres, mais le facteur ne passait pas souvent. Si fait qu’un beau matin, la servante, furieuse, a dit à Mr. le curé: «Ces saletés de mésanges, elles ont sali mon dallage, et puis, elles font leur nid dans vôtre boîte à lettres.»

«Mais, s’il vous plait Philomène, c’est rien ça. Laissez-les faire, quand la couvée s’envolera, nous ferons le ménage. Pour le peu de lettres que je reçois, ça ne risque pas tant.» Philomène est partie à la cuisine en grognant. Le temps a passé, tous les jours Mr. le curé allait écouter: «Trois semaines, qu’il leur faut, jusqu’à ce que les oiselets éclosent, puis ensuite, commencent à voler.»

Trois grandes semaines ont passé. Quel plaisir pour ce bon prêtre de voir le bonheur de ces petits oiseaux, la mère restait sur les œufs, le père lui apportait à manger. Puis un beau matin il entendit gazouiller dans le nid: «ça gazouille, Philomène, ça gazouille!» Tout s’est bien passé. Les petits ont pris l’air, joyeusement. Philomène a enfin pu faire le ménage de ces «saletés» de mésanges.

Mais, au font de la boîte, ils ont trouvé une lettre. Une lettre qui attendait depuis un mois. Monseigneur l’Evêque annonçait au curé qu’il avait décidé le nommer Doyen du Décanat.

Anne Marie Yerly