Lè dzin, mimamin chêrtin patêjan, chè krêyon ke le téâtro patê l’è pâ vouéro. Ke l’è rintyè di j’afére dou viyo tin, ke fan a pyorâ è choche è chin! L’è chêrtin ke l’è grantin j’ou dinche.

È bin ora, i pu vo bayi la pràva ke lè j’afére l’an bin tsandji.  Pâ pye tâ tyè demindze pachâye, la tropa di dzouno di Patêjan dè la Grevire, l’a fê di j’èpèluvè din na komèdia dè Dzojè Konba. Dou pye gran ou pye piti rôlo, lè j’akteu iran bin a lou afére. Pâ na rètsenya, pâ on bian, rin dè fou-ri. Tsakon a cha pyêthe, din on patê chonyi, no j’an pachâ di bi momin. Rin dè «grôchè fichalè» ke fan a rèkathalâ lè dzin, po rin chovin. Christine Overney-Refiou l’a farmo bin chu betâ lè tsoujè a lou pyêthe, on achin ke la tropa l’è chodâye è ke l’è l’amihyâ ke lè tin, ti inthinbyo. Chin, i promè po l’avinyi dou bon téâtro patê.

È l’è pâ to: di tropè in Vevéje, din la Yanna, la Grevire, din la Charna, pu la novala tropa dou Dzubyà, beton chu pi, gayâ ti lè j’an di bounè tsoujè. Ditè-mè, l’y a thinkant’an, arin-no yu chin?

Adon, mankâdè pâ dechando chèdzè d’âvri a 20 h è demindze djij’è chate d’âvri a 14 h ou Kâfé de la Gâre a Vuadin «On choutèri chu l’ordinateu» vo j’atin. Animâye pê lè tsan dou kà L’Harmonie dè Vaulruz, la vèya, è la vêprâ vo bayèron tyè dou bouneu.

Anne Marie Yerly

Du bon théâtre

Les gens, même certains patoisants, pensent que le théâtre patois n’est pas grand-chose. Ce n’est que des choses du vieux temps, à faire pleurer, et ceci et cela! Il est certain que ce fut longtemps ainsi.

Et maintenant, je peux vous donner la preuve que les choses ont bien changé. Pas plus tard que dimanche dernier, la troupe des jeunes acteurs des patoisants de la Gruyère a fait des étincelles dans une comédie de Joseph Comba. Du plus long au plus petit rôle, les acteurs étaient à leur affaire. Pas une hésitation, pas un blanc, point de fou-rire. Chacun à sa place, dans un patois soigné, nous avons passé de beaux moments. Pas de «grosses ficelles» qui font éclater de rire les gens, pour rien, souvent. Christine Overney-Ruffieux a parfaitement sû mettre les choses en place, l’on sent la troupe soudée, l’on voit que l’amitié les tient bien fort ensemble. Voilà qui promet pour l’avenir du bon théâtre patois.

Et ce n’est pas tout: des troupes en Veveyse, en Glâne, en Sarine, et la nouvelle Troupe du Gibloux, mettent sur pied, presque chaque année de bonnes choses. Dites-moi, il y a cinquante ans, aurions-nous vu ça?

Alors, ne manquez pas samedi 16 avril à 20 h et dimanche 17 avril à 14 h à l’Hôtel de la Gare de Vuadens. «Une sauterelle sur l’ordinateur» vous attend. Animée par les chants du chœur mixte «l’Harmonie» de Vaulruz, la veillée, puis la matinée ne vous apporteront que du bonheur.

Anne Marie Yerly