Chti kou, on derê ke l’evê vou pèlâ, môgrâ kotyè rètsenyè intrè frotson è bredzon, i mè chinbyè ke le furi l’arê l’invide dè ch’achityi a dè bon. Galéjamin lè prâ vèrdèyon, lè j’oji rèpyoulon, lè j’â dza bordenon è duch’a dutrè dzoua, pê lè méjon, lè mayintsètè tsantèron.

L’ôtri, in kanbinin doulon d’on chindolè a ruva dou lé, a na vintanna d’èchtrapâyè ou mitin d’on prâ, oun’afére fro delé intèrèchinta m’a bayi on rèfuye-chan. Bin chur, l’irè pâ le premi kou ke pachâvo pêr’inke, ma bal’è bin, le premi kou ke vêyé ou mitin dè chi vèrdiyon, on maryâdzo dè tan dè kolà: rodzo, bleu, dzôno, vyolè, è vè, chè mèhyâvan parê la râye dè Chin Martin. È bin! M’è chu de, l’aré liji de n’in kuyi kotyè j’enè po ma grahyàja, ma… chorèprêcha! Dè pye pri, to l’a tsandji; l’iran pâ di hyà, ma di papê, di mochalè dè karton, di botoyè la golèta frèjâye… non dè tsin! Pourè vatsè, l’an adi pâ fôta dè ha kofyà po chè gouèrnâ. Adon, pêr in dèjo dè mon bèrè, mè pê l’an rèfremyatâ è l’é moujâ a ôtyè…

L’i a di dzin, ô! Chon pâ na fourdèrâ, a nekoué l’é fan dè dre… D’evê, l’è fêrmo galéja ha dàthe kapa byantse ke rèkràvè nouthra kanpanye, ma dè furi, kan la nê chè vanè, ha kayeniche l’è mô l’alêgra po lè j’yè. Adon, che vo puédè lè prindre din vouthron cha por alâ trotolâ, portyè porâ-vo pâ lè rèprindre po rintrâ? Chuto ke chon vudyè è pye kemoudè a tringalâ, ko choche kan arouvèrè le furi, i cherè a kou chur prà bènirà d’avê lè pi ou poupro è din nouthron galé prâ, lè vatsè l’aron adi mé dè pyéji dè chè rèvondâ.

Chôpyé, ora l’è le momin dè vouèrdâ nouthron galé bri din le mim’ètha tyè Dona Natura no l’a bayi, ke grantin adi, krèthechichan lè hyà è virvoutichan lè pelèvouè.

Bèrnâ Chaney

Quand revient le printemps

Cette fois, on dirait que l’hiver va nous quitter, malgré quelques hésitations entre frotson et bredzon, il semble que le printemps aurait envie de s’installer pour de bon. Joliment, les prés reverdissent, les oiseaux chantent de nouveau, les abeilles bourdonnent, et, d’ici quelques jours, auprès des maisons, les petits chanteurs du mois de mai, chanteront.

L’autre jour, en cheminant le long d’un sentier, au bord du lac, à une vingtaine d’enjambées au milieu d’un pré, une chose fort intéressante m’a fait tourner les sangs. Bien sur, ce n’était pas la première fois que je passais par là, mais bien la première fois que je voyais, au milieu du verdillon: un mariage de si belles couleurs: rouge, bleu, jaune, violet et vert, se mêlaient comme un arc-en-ciel. Et bien, me suis-je dit, j’aurai le temps d’en cueillir quelques unes pour ma gracieuse, mais… surprise: de plus près, tout a changé. Ce n’était hélas pas des fleurs, mais des papiers, des morceaux de carton, des bouteilles au goulot brisé… nom d’un chien! Pauvres vaches, elles n’ont tout de même pas besoin de cette saleté pour se nourrir. Alors, sous mon béret, mes cheveux ont frissonné et j’ai pensé à quelque chose.

Il y a des gens, ô! ils ne sont pas trop nombreux, à qui j’ai envie de dire: En hiver, elle est fort jolie cette douce chape blanche qui couvre notre campagne, mais au printemps, quand la neige s’en va, cette cochonnerie n’est pas agréable pour les yeux. Alors, si vous pouvez la prendre pour aller vous promener, pourquoi ne pourriez-vous pas la reprendre pour rentrer? Surtout que tout est vide et plus commode à trimballer. Ainsi, quand arrivera le printemps, il sera, à coup sur, bien plus content d’avoir les pieds au propre; et dans notre joli prés, les vaches auront encore plus de plaisir de se rassasier.

S’il vous plait, il est temps de garder notre cher berceau dans l’état où Mère Nature nous l’a donné. Que longtemps encore grandissent les fleurs et voltigent les papillons.

Bernard Chaney