Mèrthi Nouthra Dona dou patê

Ha linvoua, ne la léchidè pâ muri

L’è tan bala, l’è on tan bi chavê

Rintyè a l’intindre, no chin ti rabôbi

Din nouthron bi payi, la Grevire,

In famiye, di j’omo, di j’infan, di fèmalè,

Vinyon vêr-vo, po vo kontâ ouna prèyire

È betâ in hyà a vouthrè pi, on bi botyè.

Vyêrdze Màri, pri dè vo è tot’inbyo.

Vo jithè la dona dè la chadzèthe,

Bayidè a hou ke n’in d’an fôta, dou korâdzo

È rèdzoyidè lè kà di dzin ke chon din la trichtèche.

Bouna Dona, vo j’ithè nouthra providanthe

No vo j’inpyorin, di yâdzo bin chovin.

Po vo dèmandâ la mindra konfyanthe

È vo konfyâ ti nouthrè pochyin.

Dèvan vo, Màri, no chin to piti, kemin di j’infan

Ke l’an adi bin fôta dè lou dona.

Chinpyè dzin dou payi, artijan, payijan

Avu on veu: chi dè vouêrdâ nouthra têra.

Dou Payi, dou Tyinton, dè totè pâ,

Prà dè dzin prêyon din la linvoua di j’anhyan.

Chôpyé! Nouthra Rêna, vo fô lè j’akutâ

Chin rèjêrva beton ti, totè dèmandè

Intrè vouthrè man.

Gérard Rime a Tônon dè Tsêrmê

A Notre Dame du Patois

Merci Notre Dame du patois

Cette langue, ne la laissez pas mourir.

Elle est si belle, elle est de si beau savoir.

Rien qu’à l’entendre, nous sommes tous réjouis.

Dans notre beau pays, la Gruyère,

En famille, des hommes, des enfants, des femmes,

Viennent vers vous, vous conter une prière

Et mettre en fleurs, à vos pieds, un beau bouquet.

Vierge Marie, près de vous, tout humble.

Vous êtes la mère de la sagesse,

Donnez à ceux qui en ont besoin, du courage.

Et réjouissez le cœur de ceux qui sont dans la tristesse.

Bonne Mère, vous êtes notre providence,

Nous vous implorons, parfois bien souvent.

Pour vous demander la moindre confiance

Et vous confier nos soucis.

Devant vous Marie, nous sommes tout petits, comme des enfants

Qui ont encore bien besoin de leur mère.

Simples gens du pays, artisans, paysans

Avec un vœu, celui de garder notre terre.

Du Pays, du Canton, de tous côtés,

Des gens prient dans la langue des ancêtres.

S’il vous plait ! Notre Reine, il faut les écouter.

Sans réserve ils mettent tous, toutes leurs demandes

Entre vos mains.

Gérard Rime a Tônon dè Tsêrmê