Lè Chin dè Yache, no chin in pyin dedin. Bin ôtyè tyè chin. I vinyon on’an pye vuto, on’an pye tâ. Le tin vouêtè pâ le kalandrê po no bayi dou bi, ou bin dou pou tin. Adon, chè fô fyâ a chon nâ. Kan on achin lè budzon i tsanbè, fô fro. L’è on bouneu d’alâ gratâ a cha djija, din chon kurti.

Che vo volê akutâ ti lè konchèye dè hou ke pâchon chu le tsemin, vo j’arâ pou a ramachâ d’outon: «L’è tru vuto po lè pre dè têra! L’è tru tâ po lè pê! Fô veri, fô pâ veri!» Râva! Lè ravè djuchtamin, chon fro, lè pê keminthon a grapiyi lè bêhyè è mimamin la vêrmena l’è dza bin rèvèya.

Ma, l’i a toparê ôtyè ke fô ke vo dyécho: du l’i a dza trè j’an, no j’an pyakâ dè veri. On verivè d’outon…on rèverivè dè furi. La pâla karâye tsapyotâvè lè vêrmé, adon ke chon tan utilo. No j’an trovâ on bon moyin dè moubyâ nouthra têra chin no krèvâ lè rin. Pu pâ vo bayi la mârka, ma l’è oun’èchpéche dè grôcha fortse a katro bêrlo, rin pèjanta, i va èchtra bin.

Lè novalè moudè l’an kotyè kou dou bon, chufi dè lè j’èprovâ. Vo vêdè ora, i chu in trin dè vo bayi di konchèye adon ke vinyo dè dre le kontréro. Po mè fére a pardenâ, i vo deri: «Rèvi d’anhyan, rèvi dè tukan.» A me n’âdzo l’è bin le drê. Toparê!

Anne Marie Yerly

Au jardin

Les saints de glace, nous sommes en plein dedans. Ce n’est pas grand-chose! Ils viennent une année plus tôt année ou plus tard. Le temps ne regarde pas le calendrier pour nous donner du beau ou du mauvais temps. Alors fions-nous à notre nez. Lorsque l’on se sent des fourmis dans les jambes, il faut sortir. C’est un bonheur d’aller gratter à se guise, dans son jardin.

Si vous écoutez tous les conseils des gens qui passent sur le chemin, vous aurez peu à cueillir cet automne: «C’est trop tôt pour les pommes de terre! C’est trop tard pour les pois! Il faut «tourner»… faut pas «tourner». Rave! Les raves justement, sont sorties, les petit pois commencent à grimper aux rames et même, la vermine est déjà bien réveillée.

Mais il y a tout de même quelque chose qu’il faut que je vous dise: Depuis déjà trois ans, nous ne tournons plus la terre. Nous tournions en automne, nous retournions au printemps. La bèche coupait les vers de terre en petits morceaux, alors qu’ils sont si utiles. Nous avons trouvé un bon moyen pour aérer notre terre sans nous éreinter le dos. Je ne peux pas vous donner la marque, mais c’est une espèce de grosse fourche à quatre dents, pas lourde, et qui va fort bien.

Les nouvelles modes ont parfois du bon, il suffit de les essayer. Vous voyez maintenant, je suis en train de vous donner des conseils. Pour me faire pardonner, je vous dirai: « Proverbe de vieux, proverbe de gâteux». A mon âge j’ai le droit, tout de même!

Anne Marie Yerly