Chtou dari tin, in Grevîre, no j’an jou la tsanthe d’ithre inondâ dè bala mujika. Dou tin, on n’in devejè pâ, l’ivouè no kouâ apri, ma fô fére avouê. Po rèvinyi a la mujika, fô dre k’on è j’ou vouathâ pa ha bala fitha di tsantèri fribordzê, a Bulo. Ha fitha lya pyou- min pachâ intrè lè gotè. D’oure ti hou kâ dou tyinton, ke chè préjintâvan dèvan lè j’èchpêre ou bin ke rèdzoyivan lè dzin outoua d’la pyathe dou Martchi, lyè jou on vretâbyo bouneu.
È pu fô pâ oubya le « festival » Grevîre k’lyè jou on chejin omâdzo a nouthra bala Grevîre, pa hou bi tsan dè l’abbé Bovet, tan bin betâ in vayà pa ti hou tsantâ, tsan-cholè è akteu, Lyè jou ôtyè k’on pou pâ oubyà è ke lya chovin fê la pi d’ouye a bin di dzin. On fyê kou dè tsapi a Pyéro Savary, Metchi Korpathà é André Pauchard, k’lan adjuchtâ, diridji, è betâ chu lè lan, in mujika, tan dè bon chovigni dou tin pachâ è ke fâ tan bon rèbetâ in-n’an.
Din nouthra kotse, le tsan lyè onko bin inrathenâ. Dechando pachâ lyé j’ou la tsanthe d’oure lè j’infan „Les Giblotins“ d’la pèrotse d’Avry-dèvan-Pon. Avu Yves Savary, (ke châ tan bin dèchuyi Bourvil), lyan rakontâ in tsanthon è in tèâtro, l’ichtouâre dou bouébo ke pou pâ alâ in vakanthe, ke dê chobrâ a la méjon po idji chè parin. Le to chè pachè outoua dè Madama Barras ke châbrè a l’ékoula dou Bry è ke lyè tan bouna avu lè j’infan. I fâ pyéji dè vêre ke lya onko prâ d’inchènyin ke prinyon le tin d’inkoradji lè j’infan a tsantâ è la rèlêva lyè achurâye.
Tsantâ, i mintin dzoyà  é on n’in d’a bin fôta po choladji lè rèbrithè, è to chin ke va chovin a rèvèrtson. Vonvon Kolly
 

Le bonheur de chanter
Ces temps passés, en Gruyère, on a eu la chance d’être inondé de belle musique. Du temps, on n’en parle pas, l’eau nous court après, mais il faut faire avec. Pour revenir à la musique, il faut dire que nous avons été gâté par la belle fête des chanteurs fribourgeois, à Bulle. Cette fête a plus ou moins passé entre les gouttes. D’entendre tous ces chœurs du canton, qui se présentaient devant les experts ou bien qui réjouissaient les gens autour de la place du Marché, Ce fut un véritable bonheur.
Et puis, il ne faut pas oublier le festival Grevîre, qui a été un brillant hommage à notre belle Gruyère, par tous ces beaux chants de l’abbé Bovet, tellement bien mis en valeur par tous ces chanteurs, solistes et acteurs, C’est quelque chose que l’on ne peut pas oublier et qui a souvent fait la chaire de poule à bien des gens. Un fier coup de chapeau à Pierrot Savary, Michel Corpataux et André Pauchard, qui ont ajusté, dirigé et mis en scène, en musique, tant de bons souvenirs du temps passé et qu’il fait tant bon de remettre en-avant.
Dans notre région, le chant est encore bien enraciné. Samedi passé, j’ai eu la chance d’entendre les enfants « Les Giblotins », de la paroisse d’Avry-devant-Pont. Avec Yves Savary, qui sait tant bien imiter Bourvil, ils ont raconté, en chansons et en théâtre, l’histoire du garçon qui ne peut pas aller en vacances, qui doit rester à la maison pour aider ses parents. Le tout se passe autour de Madame Barras, qui habite à l’école du Bry, et qui est tant bonne avec les enfants. Cela fait plaisir de voir qu’il y a encore des enseignants qui prennent le temps d’encourager les enfants à chanter et la relève est assurée.
Chanter, ça maintient joyeux, et on en a bien besoin pour soulager les ennuis et tout ce qui va souvent à rebours.