Le mi dè jouin l’è le tin di chayêtè. L’è j’èkoulè van diora kotâ è lè j’ètudian fan pâ-mé vouéro, on kou lè j’ègâmin pachâ. To le mondo atin on bokon dè chèlà po lè vakanthè.

No j’ôtro, no no rèdzoyivan d’alâ a la promenârda d’èkoula. Alâ in kàr! Irè pâ rin. No prenyin l’otobus rintyè por alâ ou le dantichte bin ou mêdzo, in vela. Adon le dzoua dè la chayête, irè fitha. Ouna botoye dè limonade, dutrè j’à kouè-du, on bokon dè pan è kotyè bonbenichè. No j’alâvan pâ tan yin, ou Lé d’ômêna, on’an tantyè ou Ranft, kan mimo.

Ma adon, Moncheu irè ti lè kou dou voyâdzo, chè prenyê po l’andze gardyin dè chè pêrotsin. Din mon velâdzo, din lè j’an trinta, la chochyètâ dè Tsan è Mujika l’avê organijâ ouna grôcha chayête. Dou kàr, lè kàr iran pâ ache grô tyè ora è i fajan, ou pye rapido, chuchanta kilomêtre a l’àra. L’inkourâ chè betâ din le premi. Din l’ôtro, la binda di pye dzouno. L’avan j’ou chouin dè prindre kotyè botoyè…po pâ ithre malâdo! Chon modâ po le Valê. In arouvin lé iran dza bin mà. Moncheu l’a achtou chin apêchu.

L’è po chin ke, ou rètoua, in rônin, i chè betâ avui là po lè churvèyi, i fajê la groba pota. Pâ tan kontin, nouthrè mujichyin! Chi ke dzuyivè la grôcha tyéche, irè a non Hilaire l’i dejan Ratata; kan l’a yu chin, i di: «Mè dèmando bin kemin chi bordon l’a pu din ha lintêrna!»

Anne Marie Yerly

En promenade

Le mois de juin est le temps des sorties. Les écoles vont bientôt fermer et les étudiants ne font plus grand-chose, les examens passés. Tout le monde attend un peu de soleil pour les vacances.

Nous autres, plus jeunes, nous nous réjouissions d’aller à la promenade d’école. Aller en bus! Ce n’était pas rien. Nous qui prenions l’autobus que pour aller chez le dentiste ou le docteur, en ville. Alors le jour de la sortie c’était la fête. Une bouteille de limonade, deux ou trois œufs cuits-durs, un peu de pain et quelques bonbons. Nous n’allions pas très loin, au Lac Noir, une année, jusqu’au Ranft, quand même.

Mais alors, M. le Curé était de tous les voyages, il se prenait pour l’ange gardien de ses paroissiens. Dans mon village, dans les années trente, la société de chant et musique avait organisé une grande sortie. Deux bus, les bus n’étaient pas aussi grands qu’aujourd’hui, ils faisaient, pour les plus rapides, soixante à l’heure. Le curé s’est mis dans le premier. Dans l’autre, la bande des plus jeunes . Ils avaient eu soin de prendre quelques bouteilles… pour ne pas être malades. Ils sont partis pour le Valais. En arrivant là-bas, ils étaient déjà bien mûrs. Le curé s’en est aperçu.

Voilà pourquoi, au retour, en grognant, il s’est installé avec eux pour surveiller; il faisait la «tête». Pas trop contents, nos musiciens. Le préposé à la grosse caisse, s’appelait Hilaire, mais on l’appelait Ratata; quand il a vu ça, il dit à ses voisins: «Je me demande bien comment a fait ce bourdon pour entrer dans cette lanterne!»

Anne Marie Yerly