Le demikro matin vouète dè juin, la yê borâye pê lè nyolè m’intrètsantâvè rin. La tsêga dou barô irè hyoulâye chu le krouyo tin. L’é kudji l’anyatâ, l’a dzèrdziyi on tro pu l’a pyakâ. Chi dzoua, la kobya di patêjan dou Ruz, iran invitâ pêr Alodie po goutâ in Kudré. A l’intoua dè vouèt’àrè dou matin, dè binda avu Alodie, mè chu inmodâ po le tsalè. Outre la montâye, na rayèta l’a èprovâ dè ch’infelâ pê on pèrtoujè ke na nyola l’avê oubyâ dè borâ, chin l’a pâ dourâ pye grantin tyè na yache chu la piata dou forni. In Cudré, i pyovechê.
Galéjamin, le krà dou fu ch’inprin, Alodie inmodè la ponpa po l’ivouè. Vê lè ondz’àrè arouvon Marianna è Hubert avu l’apèrô, la choupa i tsou, la tsanbèta, lè pilâ i pre dè têra, le vin è to chin ke fô po rèdzoyi la gardyèta. Patêjannè è patêjan arouvon avu di kunyu, di bichkoui, di meringè è l’é pâ fôta dè le dre, la hyà drobya, ma, chuto avu le mèyà di dèchê… lou fôri.
In dèfro i pyà, du la bouârna on felè dè foumêre ch’in va chè mèhyâ avu lè nyolè tandi k’adon In dedin, le dzouyo è l’amihyâ chè mèhyon por ètsoudâ le tsalè. To le mondo rijolè, kontè choch’è chin, Henri è cha vejena dè payéche no dzuyon na galéja rijârda, Baly no fâ a tsantâ è hou balè vouê van fére invide i ranchinyolè. Ma totè lè bounè tsoujè l’an na fin, chin ke l’è chur, l’i è ke chi dzoua, nyon l’è rètornâ intye-li avu le kà trichto.
On rèmârhyèminin a Alodie, a Charli ke no j’an ourâ la pouârta rounya dè lou tsalè. A Marianna è Hubert po la bouna tsanbèta è a vo j’ôtro patêjannè è patêjan, por avê rètsoudâ ha dzornâye avu le chèlà dè vouthron kà.
Bèrnâ Chaney

La journée patoisante en Cudré
Le mercredi matin 8 juin, le ciel couvert de nuages ne m’enchantait pas. L’aiguille du baromètre était clouée sur mauvais temps. J’ai tenté la courtiser, elle a frémi un peu puis s’est arrêtée. Ce jour-là l’équipe de patoisants du Ruz, était invitée par Alodie pour dîner en Cudré. Vers 8 heures du matin, en compagnie d’Alodie, je suis monté vers le chalet. Pendant la montée un petit rayon de soleil s’est risqué dans un petit trou que le nuage avait oublié de boucher; ça na pas duré plus longtemps qu’une glace sur la plaque «du fourneau». En Cudré il pleuvait.
Doucement, le «creux du feu» s’allume. Alodie s’occupe de la pompe à eau. Vers les 11 heures arrivent Marianne et Hubert avec l’apéro, la soupe aux choux, le jambon, la galette de pomme de terre, le vin et tout ce qu’il faut pour réjouir le gosier. Patoisantes et patoisants arrivent avec des tartes, des biscuits, des meringues, sans oublier la crème double. Mais surtout avec le meilleur des desserts, leur sourire.
Dehors il pleut un filet de fumée s’échappe de la «borne» et va se joindre aux nuages.  Tandis qu’à l’intérieur la joie et l’amitié se chargent d’entretenir la chaleur. Tout le monde rit, en raconte de belles, Henri et sa voisine de paillasse nous jouent une jolie farce. Baly dirige le chœur et ces belles voix  vont faire envie aux rossignols. Mais toutes bonnes choses ont une fin, et ce qui est sur, c’est que ce jour-là personne n’est rentré chez soi le cœur triste.
Un grand merci à Alodie, à Charlie qui nous a ouvert la porte double du chalet. A Marianne et Hubert pour le bon jambon et à vous autres patoisantes et patoisants, pour avoir réchauffé cette journée au soleil de votre cœur.
Bernard Chaney