I ché pâ che chi non l’è djuchto in patê, ma, fô bin chè dèkarkachi po trovâ ôtyè. A «Rio de Janeiro», la fitha l’a keminhyi. D’apâ chu lè j’èptô, lè j’èkoulè è lè kartchi pouro, ouna rinchya d’ouâ va dègiyi chu ha mègapole. Kemin dè kothema, lè pye retso chon bènirà, lè pye pouro chon malirà. Là! ke fan tsemin è manêrè po chè payi on rouvaton dè pâna-ku, kemin volê-vo ke ch’atsiton ouna biyôta rintyè po gugâ oun’ourèta dè la fitha. Oubyâye la dyêra, oubyâyè lè kalamitâ dou mondo. Lè journalichte no dèvejon rintyè di rekouâ dè hou chportif ke chuchon di piti drops… anfin … vos vêdè chin ke vu dre. Adon, l’é fan dè vo kontâ ôtyè dè drôlo.

Kan iro adi bouébelè, din lè j’an thinkant’é vouète, thinkant’è nà, avu di kopain ache fâchèyà tyè mè, no dzuyivan achebin i dju j’Olinpike. Chin chè pachâvè la demindze, du viprè bin chur. N’in d’avê yon, on krake, ke choutâvè la deléje dou kurti avu ouna bêhya. Po la korcha dou than mêtre, no fajan on kou le toua dè la pouârtsèri, po lè thin mile mêtre, trè kou.

Di mèdâyè! N’in d’avê rintyè ouna, po le premi. Irè ouna mèdâye di «brancardiers dè Lourdes», ke l’avé karotâ a m’ n’onhyo. Tyintè ritè no fajan, no j’avan rin dè drops a chuchi, ma ouna fan dè là po marindâ.

Ora, kan i vêyo le brelan ke bayon hou dju j’Olinpike, ôtyè mè fâ a frebiyi chin ke l’é in dèjo dou bèrè... Ch’ on povê fére a choutâ on kou hou j’organijateu ke moujon rintyè i j’èku, pêr dèchu la delége dou kurti è lè fére a trotolâ daveron dè la pouârtsèri, nekoué châ? Poutithre ke rèbetèran lè pi chu toupa. Ma l’è rintyè on chondzo, l’an tan fôta d’êrdzin… Lè pouro!

Bèrnâ Chaney

Les Jeux Olympiques

Je ne sais si ce nom est juste en patois, mais, il faut bien se décarcasser pour trouver quelque chose. A Rio de Janeiro la fête a commencé. Mais à part les hôpitaux, les écoles et les quartiers pauvres, une averse d’or va tomber sur cette mégapole. Comme d’habitude, les plus riches sont heureux, les plus pauvres malheureux. Eux qui font «chemins et manières» pour se payer de quoi se torcher, comment voulez-vous qu’ils s’achètent le billet d’entrée pour être une petite heure à la fête. Oubliée la guerre, oubliées les calamités du monde! Les journalistes ne nous parlent que des records de ces sportifs… qui sucent de petits bonbons… enfin vous voyez ce que je veux dire. Alors moi, j’ai envie de vous raconter quelque chose de drôle:

Quand j’étais encore enfant, dans les années cinquante-huit cinquante-neuf, avec des copains, aussi farceurs que moi, nous jouions aussi aux Jeux Olympiques. Ça se passait le dimanche après vêpres bien sûr. Il y en avait un, un «krak», qui sautait la clôture du jardin avec une perche à haricots. Pour la course des cent mètres, nous faisions une fois le tour de la porcherie. Pour le cinq mille mètres trois fois!

Des médailles, il n’y en avait qu’une, pour le premier. C’était une médaille des Brancardiers de Lourdes, que j’avais carotté à mon oncle. Quels rires nous faisions, nous n’avions pas de «drops» à sucer, mais une faim de loup pour le souper.

Maintenant quand on voit le «brelan» que donnent ces Jeux Olympiques, quelque chose fait frémir ce que j’ai sous le béret… Si l’on pouvait faire sauter un peu ces organisateurs qui ne pensent qu’aux écus, par dessus la clôture du jardin et les faire trotter autour de la porcherie, qui sait? Peutêtre remettraient-ils les pieds sur le gazon? Mais, ce n’est qu’un rêve… ils ont tant besoin d’argent… les pauvres!

Bèrnâ Chaney