Dè fére on piti toua ou chimetyéro i fâ a rèmontâ on mache dè chovinyi. Pâ rintyè di krouyo chovinyi. Nouthrè mouâ no j’an léchi tan dè bounè tsoujè, tan dè bon j’ègjinpyo.

Vo vo chovinyidè la pêna ke lè fèmalè prenyan, po kurtiyi di «renonkulè», kemin i dejan po lè chrysanthèmes. Lè portâ dedin le dèvêlené, lè rèportâ fro le matin, léchi la lumyére din le pouêtso tota la né po lè forhyi, è choche è chin. Lè portâ, a dzin, ou chimetyéro… po lè vêre dzalâ le lindèman dè Tolèchin! Ma dona dejê a pou pri ti lè j’an: «Kan on moujè la pêna k’on chè bayè po hou fouchè. Adon ke l’è mouâ ch’in foton pâ mô.» L’i avi bin ôtyè a dre! Le chovinyi è le rèchpè di mouâ vâyon bin mé tyè ti lè botyè dou mondo.

Ou dzoua d’ora, l’è bin veré ke, po chêrtin, i chàbrè pâ-mé vouéro. La mouda dè bourlâ le kouâ l’è pye chinpya, i chàbrè on piti monuman, le non è la dâta. Ma, ôtyè dè novi, du l’i a kotyè j’an l’an invintâ le «kurti dou chovinyi». Tyin chovinyi? I dyon ke lè hyindrè chon inke, ma, rin dè non, rin dè rin. Kan vo vêdè chin, fô bin chè dre k’on è vuto oubyâ!

Profitâdè bin dè chi galé tsôtin, vo j’ithè prou chure kemin mè, rin prèchâ dè l’i alâ.

Anne Marie Yerly

Petit passage sur les tombes

De faire un petit tour au cimetière fait remonter une foule de souvenirs. Pas que de mauvais souvenirs. Nos morts nous ont laissé tant de bonnes choses, tant de bons exemples.

Vous vous souvenez la peine que les femmes prenaient pour cultiver des chrysanthèmes. Les porter dedans le soir, le reporter dehors le matin, laisser la lumière dans le corridor toute la nuit pour les forcer, et ceci et cela. Les apporter à deux bras jusqu’au cimetière…pour les voir gelés le lendemain de la Toussaint! Ma maman disait presque chaque année: «Quand on pense la peine qu’on se donne pour ces tombes alors que les morts s’en fichent pas mal!» Il y avait bien quelque chose à dire. Le souvenir et le respect des morts, valent bien plus que toutes les fleurs du monde.

Aujourd’hui, il est vrai que pour certains, il ne reste plus grand-chose. La mode de l’incinération est plus simple, il reste un petit monument, le nom et la date. Une nouveauté, depuis quelques années on a inventé le «jardin du souvenir». Quel souvenir? On dit que les cendres sont là, mais point de nom, rien de rien. Quand vous voyez ça, il faut bien penser que l’on est vite oublié!

Profitez bien de ce bel été, vous être, sûrement comme moi, pas pressés d’y aller!

Anne Marie Yerly