I  vinyon dè m’in kontâ ouna bouna  chu nouthra “Dèfense Nationale”. Fô bin dre ke l’afére chè pachâye l’i a dza, poutithre ouna chuchantanna dè j’an. Ora, l’i a don prèchkripchyon.  Prà dè tsoujè l’an tsandji du chi tin.
On achpiran ofihyi, faji che n’èkoula din le tyinton dè Bêrna. On bi  matin ch’è apêchu k’on invê li krèchê din le nâ. Ouna bouna fêvra, mô fotu, l’è jelâ a l’infirmèri. Inke, l’infirmyé l’a tyirâ on mêdzo. Grôcha dichkuchyon outoua di chi grô nâ  borinhyo è rodzo. L’an keminhyi pêr inpyâ on mache dè papê, in trè ou katro drobyo. L’an fê atindre… kotyè j’àrè. L’invê ch’invremâvè adi…
To por on kou oun’ oto, dou j’omo in blouje byantse chon arouvâ. L’an tsardji nouthron malâdo, è lêvi: «A l’èpetô”, ke l’an de. L’èpetô: ouna drôla dè méjon, yô di drôlè dè dzin rôdâvan deché è delé, n’in d’a ke chè royivan la titha kontre lè mu…anfin, rin d’inkoradzin po chon nâ.
L’an kotâ din on tsanbriyon. Bon, i atindê ou  mintè chu on mêdzo. Prà dè j’àrèl’an pachâ, l’i portâvan a medji, iran bin galé avui li. Ma, po fourni l’a pêrdu pahyinthe, chè korohyi to rodzo : « Ditè-mè vê yô l’è ke chu tsejê. I vinyo por on invê din le nâ è pu, vo mè betâdè avui lè fou…!»  Adon l’infirmyé l’i rèbrekè:” «Inke,  no chonyin  lè tithè…le nâ l’è bin din la titha.»
Mè moujo ke l’avan oubyâ dè chonyi  ha dou dirèkteu. Anne Marie Yerly

À l’hôpital militaire
On vient de m’en raconter une bonne sur notre Défense Nationale. Il faut bien dire que l’affaire s’est passée il y a déjà une soixantaine d’années. Il y a donc prescription.  Bien des choses ont changé depuis ce temps-là.
Un aspirant-officier faisait son école dans le canton de Berne. Un beau matin il s’est aperçu qu’un furoncle se développait dans son nez.  Une bonne fièvre, mal en point, il est allé à l’infirmerie. Là, l’infirmier a appelé un médecin. Grande discussion autour de ce gros nez, enflé et rouge. Ils ont commencé par remplir une quantité de papiers, en trois ou quatre exemplaires. On l’a fait attendre…quelques heures. Le furoncle s’envenimait toujours.
Tout à coup une voiture, deux hommes en blouse blanche sont arrivés. On a chargé le malade, et départ:  à  l’hôpital», lui dirent-ils. L’hôpital? Une drôle de maison où de drôles de gens rodaient de ci de là, certains se frappaient la tête contre les murs...enfin rien de bien encourageant pour son nez.
On l’a enfermé dans une chambrette. Bon, il attendait au moins un médecin. Bien des heures ont passé, on lui apportait à manger, on était très agréable avec lui. Mais pour finir, il perdit patience, il se fâcha tout rouge: « Dites-moi enfin un bonne fois où suis-je tombé. Je viens pour un furoncle au nez et vous me mettez avec les fous!!!» Alors l’infirmier lui réplique  «Ici nous soignons les têtes, le nez est bien dans la tête!»
Je pense qu’on avait oublié de soigner celle du directeur. Anne Marie Yerly