Ché pâ che vo j’é dza dèvejâ dè ma viye tanta Delphine. Poutithre bin, ma vo chédè, a me n’âdzo i pou arouvâ dè pêdre la mèmouâre. Adon inke oun’avantura a ha brâva tanta.
Chè tinyê din na méjanèta, to pri dè vêrno. I fajê de la dintala ou futhè, po gânyi pènâbyamin cha ya. Kotyè dzeniyè, on kayon, on kurtiyè è on pomê ou dou, inke cha fortena. L’avê alèvâ ouna nyithe, a non Màrie, êmâbya viye fiye, pahyinta è dèvouâye  ke vikechê avui li.
On martchyan dè bou l’ou j’avê levrâ di fago. Po lè dètsêrdji è lè montâ chu le cholê, ou dèchu dou bouèton ou kayon, la tanta l’a dèmandâ a mon chènia dè lou bayi on kou dè man. Mon chènia irè grô è pèjan. Le pyantchi…pâ de la dêrire pyodze. Pye chyâ puri d’àtre. Mon chènia l’a keminhyi a intètchi cht’ou fago. On galé tsiron irè dza hô, ma, to por on kou, l’a beta le pi a on indrê pye fêbyo, l’a pachâ avô. Ma l’è chobrâ prê ou vintro, lè duvè pyôtè kanotâvan din le vidyo, ou dèchu dou gouri. Adon Tanta Fine:” Màrie, Màrie, va rido voutyi avô, che le kayon l’a pâ j’ou tru pouêre!”
Chènia chè dèprê mimo, i rijin kemin on fou. Anne Marie Yerly

Le cochon de tante Fine

Je ne sais si je vous ai déja parlé de tante Delphine. Peut être, mais vous savez, à mon âge, il peut arriver de perdre la mémoire. Alors voici une aventure de cette brave tante.
Elle habitait une maisonnette, tout près de chez nous. Elle faisait de la dentelle aux fuseaux, pour gagner péniblement sa vie. Quelques poules, un cochon, un jardinet et un pommier ou deux  étaient  sa fortune. Elle avait élevé une nièce appelée Marie, aimable vieille fille, patiente et dévouée qui vivait avec elle.
Un marchant de bois leur avait livré des fagots. Pour les décharger et les monter sur le soliveau, au dessus du logement du cochon, la tante a demandé à mon père de leur donner un coup de main. Mon père était grand et lourd. Le plancher n’était pas de la dernière pluie. Plutôt pourri, de part en part. Mon papa a commencé à entasser ces fagots. Un bon tas était déjà en place, mais, tout à coup, il a mis le pied à un endroit plus faible, il a passé à travers. Mais il est reste coincé à hauteur du ventre, les deux jambes battant l’air, dans le vide au dessus du cochon. Alors tante Fine : «Marie, Marie, va vite voir en bas, si le cochon n’a eu trop peur!»
Mon père s’est dépatouillé tout seul, en riant comme un fou. Anne Marie Yerly