Li a thinkant’an dè chin, ou mi d’ou. Vê Robert li avê cha fiyè, ouna maryâye, trè bounè a kortijâ, la thintyima a l’ ékoula è lè duvè dèrirè, di bèchenè din lè fôdè.

Ouna demindze né, avui dou j’ami, no j’avan dèchidâ d’alâ i fiyè vêre là. Pê mâlà li avê dza ouna binda dè dzouno dè Rochin, pye viyo tyè no. No j’iran mô pyantâ, tyè fére? In chi tin irè pâ tyachon dè léchi di dzouno d’on ôtro velâdzo no yètâ noutrè pye balè fiyè.

Pâ tyachon dè chè kouthâ iran pye grô tyè no.

Dèkouthè lou méjon li avê dou viyo dzouno ke tinyan on piti bin, l’avan rékordâ le dzordi è l’avan intsirnâ le rèkouâ. No j’an portâ ti lè tsiron dè rèkouâ chu lè j’âbro dou dzordi. Apri chin no j’an gugâ pê la fenithra; ha binda dè routhè iran adi inke.

Le lindèman, rintrâvo du le travô in mimo tin tyè Patrice, le viyo dzouno ke rintrâvè du kolâ. To don kou, Patrice mè fâ «Te châ pâ chin ke mè arouvâ chti matin?» Na. «È bin, kan chu jelâ dèjandanyi mè tsiron dè rèkouâ, iran lavi, è in abadin lè j’ yè, l’è vêyo, chu lè j’ âbro!» L’è achurâ di dzalà ou bin di krapô dè bouébo ke chan pâ tyè fére d’ ôtro. Adon lé choutâ chu l’okajyon: «Te châ, yêr’ané, di dzouno dè Rochin iran vê tè vejenè. Tè rèmârhyo, ke mè di, lè achurâ ha binda dè mârè, i oudri to tsô li dre dè pâ léchi chè fiyè a na parya binda dè krapô. Por no, irè le bon moyin dè no dèbarachi dè hou dè Rochin.»

La demindze apri, hou dè Rochin chon j’ou réchu avui l’èchkourdya. Ouna demi àra apri, no j’iran inke. Ma, mè j’ami è mè, no j’ an pâ maryâ ouna dè hou grahyàjè.

Nono

Souvenirs de tas de regain

Il y a 50 ans de cela, au mois d’août. Chez Robert il y avait 7 filles, une était mariée, trois, bonnes à courtiser, la cinquième à l’école et les deux dernières, des jumelles encore dans les langes.

Un dimanche soir avec deux amis, nous avons décidé d’aller «aux filles» chez eux. Par malheur, il y avait déjà une bande de jeunes de Rossens, plus vieux que nous. Nous étions mal plantés. Que faire? Pas question de laisser les gars d’un autre village nous prendre nos plus belles filles. Pas question de se battre, ils étaient plus gros que nous.

A la maison voisine il y avait deux vieux garçons qui tenaient une petit domaine. Ils avaient fait les regains au verger, le regain était en tas. Nous avons porté tous les tas de regain sur les arbres du verger. Ensuite nous avons guigné par la fenêtre, cette bande de rosses étaient encore là!

Le lendemain, je rentrais du travail en même temps que Patrice, le vieux garçon qui rentrait de couler. Tout à coup Patrice me dit:» Tu ne sais pas ce qui nous est arrivé ce matin?» Non. «Et bien, quand je suis allé étendre mes tas de regain, ils était partis! En levant les yeux, je les vois sur les arbres. C’est sûrement des jaloux, ou des sales gamins qui ne savent pas que faire d’autre.» Alors, j’ai sauté sur l’occasion:» Tu sais, hier au soir, des jeunes de Rossens étaient chez tes voisines.» «Je te remercie, me dit-il, c’est surement cette bande de vauriens, je vais aller tout de suite lui dire de ne plus laisser ses filles à une pareille bandes de crapauds. Pour nous, ce fut le bon moyen de nous débarrasser de ceux de Rossens.

Le dimanche suivant, ceux de Rossens furent reçus avec le fouet. Une demi-heure plus tard nous étions là! Mais, ni mes amis ni moi, n’avons épousé une de ces gracieuses.

Nono