Po dèvejâ dè mouda fudrè trè pâdzè, chuto din le mondo di fèmalè. Tsakena l’a che n’idé, chè go è chè kothemè. Lè j’omo, kanbin i dyon le kontréro, chon ache kokè tyè no j’ôtrè.

Kan no j’alâvan a l’èkoula, l’i a bin grantin, lè fiyètè portâvan la charvièta, di kou bin pèjanta, no terivè bâ lè j’èpôlè. No j’arin djamé oujâ betâ on «cha dè tourichte», portan ora totè lè j’ètudyantè l’an le cha avô lè rin…l’è la mouda. Lè bouébo, piti, l’avan la tyéche, pu, ôtyè pye grô i betâvan le cha militêre a l’ou chènia, on lordo bicha pèlà, ke lou pindê chovin pye bâ tyè lè metsè. No j’iran pâ tan èlègan, l’è j’enè è lè j’ôtro, ma no j’an kan mimo aprê a èkrire ( pye ou min) chin fôtè!

Ou dzoua d’ora tsakon vou avê cha pèrchenalitâ, ma l’è drôlo, i volon chyêdre la mouda…chin fâ ke chon ti vuthu parê.

L’i a chebin la mouda dou «tatoo». Tsakon chè vou fére a bregolâ la pi. N’in d’an chu to le kouâ, on lè rèkonyè a pêna. Moujâdè on bokon: kan cheron viyo cherè prou chure pâ-mé la mouda. I cheron din lè méjon dè viyo, di j’anhyan to korbo, to hyapi, pyèyi in katro ou fon d’on yi…è to bregolâ. Po lè j’infirmyérè cherè l’okajyon d’avê n’a bouna mouâcha a rire. Vo vêdè ke lè moudè i tsandzon… fô bin l’i moujâ.

Anne Marie Yerly

Modes et coutumes

Pour parler de mode il faudrait trois pages, surtout dans le monde des dames. Chacune a son idée, ses goûts et ses habitudes. Les messieurs, même qu’ils disent le contraire, sont aussi coquets que nous.

Quand nous allions à l’école, il y a bien longtemps, les fillettes portaient la serviette, parfois bien lourde, elle tirait les épaules. Nous n’aurions jamais osé mettre un sac à dos, pourtant maintenant les étudiantes ont le sac au dos….c’est la mode. Les garçons, petits, portaient la caisse en bois, puis un peu plus grands ils mettaient le sac militaire du papa, un gros et pesant sac à poils, qui leur pendait souvent plus bas que les miches. Nous n’étions pas trop élégants, les unes et les autres, mais nous avons tout de même appris à écrire (plus ou moins) sans fautes!

Aujourd’hui chacun veut avoir sa personnalité, mais c’est curieux, ils veulent suivre la mode…et voilà qu’ils sont tous vêtus de la même façon.

Il y a aussi la mode du tatouage. Chacun veut se faire barioler la peau. Ils en ont sur tout le corps, on ne les reconnait qu’à peine. Pensez un peu: quand ils seront vieux ce ne sera probablement plus la mode. Il seront dans des homes, des ancêtres courbés, flapis, pliés en quatre au fond d’un lit…et tout tatoués. Pour les infirmières, il y aura une bonne «morce» à rire. Vous voyez que les modes changent… il faut bien y penser!

Anne Marie Yerly