I-vo pâ rèmarkâ ke l’i a di j’afére ke van a la dèràva? On intin pyorâ dè totè pâ: l’ê ke no rèchpirin l’è krouyo, l’ivouè ke no bêvin l’è inpojenâye, no j’inpyiêyin tru dè kouran, no bourlin tru dè pètrol, tru dè bou. A propou dè bou, n’in d’a ke pyàron chu la mouâ di dzà, poutithre, ma, kan vo vêdè lè kilo dè papê ke van inpyâ nouthrè bouêthè a lètrè, on chè dèmandè avu tyè le fabrekon… le papê.
Ti lè dzoua no rèchyêvin de la publichitâ. È fô vêre le bi papê, on oujèrè panyi chè panâ avouê. Di balè kolà, è vouéro dè litre d’intso tromintâ. È po vindre tyè? De l’afére k’on tràvè ou velâdzo.
È du l’i a kotyè tin, i fô ke nouthrè gajètè n’in betichè achebin. Dutrè foyè, ke chon apèdjiè intrè lè pâdzè avu na tyèta dè ché pâ tyè. Te tirè dèchu, te dèkuchirè ta gajèta. T’è chàbrè on pêrtè è te prin bin chure pâ la pêna dè yêre ha «pub».
In apri dè chin, fudrè tsouyi le papê… ke no vin di dzà! Prinyin la pêna dè pèjâ ti lè dzoua, to chin ke l’è inutilo din nouthra bouêthe. Vo fêrmo grô ke, a la fin dè l’an n’in d’arê in fyê vagon.
L’è chu chin ke fô pyorâ.

Pleurez, bonnes gens
N’avez-vous pas remarqué qu’il y a des choses qui vont de travers? On entend pleurer de toutes parts: l’air que nous respirons est mauvais, l’eau que nous buvons est empoisonnée, nous employons trop d’électricité, nous brûlons trop de pétrole, trop de bois. À propos de bois, certains pleurent la mort des forêts, peut-être, mais quand vous voyez les kilos de papier qui vont remplir nos boîtes aux lettres, on se demande avec quoi ils le fabriquent, le papier .
Tous les jours nous recevons de la publicité. Et, faut voir le beau papier, on oserait à peine se torcher avec ça. De belles couleurs, et combien de litres d’encre gaspillés. Et pour vendre quoi ? Des choses que l’on trouve au village!
Et depuis quelques temps, il faut que nos journaux s’y mettent aussi. Deux ou trois feuilles, qui sont collées entre les pages, avec une crotte de je ne sais quoi. Tu tires dessus, tu déchires ton journal. Il te reste un trou et tu n’as même pas pris la peine de lire cette pub.
Après ça, il faudrait économiser le papier….qui nous vient des forêts. Prenons la peine de peser tous les jours, tout ce qui est inutile dans notre boîte aux lettres. Je vous parie gros qu’à la fin de l’année, il y en aurait un gros wagon.
C’est là-dessus qu’il faut pleurer.