I fô rindre a César chin ke l’è a César; chin, no l’an aprê a l’èkoula. Lè lethon dè Bible… irè pâ rin. È bin vouè, mè fô rindre a Vonvon chin ke l’è a Vonvon.
Dechando pachâ, Vonvon Kolly l’avê èkri inke chu l’èchpri dè Morlon… è in dèjo: ma chinyatura. Toparê, tyinta bètije. I èchpêro ke Vonvon m’in d’a pâ tru volu. Chuto ke, vo le chédè poutithre pâ ti, Vonvon irè typographe a nouthra gajèta, dè chin, l’i a dza kotyè j’an. È l’i a vint’an, kan lé keminhyi chi Deché Delé, l’è li ke l’a rèchu mè premirè linyè. Mon patê irè pâ tru akadèmike, i dêvechê le rèkopyâ. Chin l’i bayivè pâ tru dè pêna, l’è farmo bon patêjan. In chi tin fayi portâ la foye a la rèdakchyon, ou dzoua d’ora to chè fâ pê le mèrâhyo dè la tèkenike.
Ha tèkenike no rin di grô chêrvucho. Vo puédè konchultâ le dikchenéro patê chu vouthra”trabyèta”, achebin chu vouthron piti tyira-mè. Vè puédè achebin vouityi chu “Youtube” di piti tro dè to chin ke chè fâ pê lè velâdzo. Di konthêre, dou téâtro, di vèyè dè totè chouârtè. Chin l’è pâ rin. Puchke no l’i chin, i vo deri ke a Trivô, chta né è dèman du midzoua, lè Tsêrdziniolè fan lou dou dêri  katsevindon chu la thêne. Oun’afére dè j’âno in tsanthon!
Anne Marie Yerly

Ce qu’il faut rendre à Cesar

Il faut rendre à César ce qui est à César; ça, nous l’avons appris à l’école. Les leçons de Bible, ce n’était pas rien. Et bien aujourd’hui, je dois rendre à Vonvon ce qui est à Vonvon.
Samedi dernier, Yves Kolly avait écrit ici sur l’Esprit de Morlon… et en dessous: ma signature. Tout de même, quelle bêtise! Jj’éspère que Vonvon ne m’en a pas trop voulu. Surtout que, vous le savez peut être pas tous, Vonvon était typographe à La Gruyère, il y a de cela quelques années déjà. Il y a vingt ans, lorsque j’ai commencé cette rubrique, c’est lui qui a reçu mes premières lignes. Mon patois n’était pas trop académique, il devait le recopier. Ceci ne lui donnait pas trop de peine, il est excellent patoisant. En ce temps, il fallait apporter la feuille à la rédaction, aujourd’hui tout se fait par le miracle de la technique.
Cette technique nous rend de grands services. Vous pouvez consulter le dictionnaire patois sur votre tablette ainsi que sur votre portable.  Vous pouvez aussi voir sur «Youtube» de petits bouts de tout ce qui se fait dans les villages. Des concerts, du théâtre, des soirées de toutes sortes. Ce n’est pas rien. Puisque nous y sommes, je vous dirai qu’à Treyvaux, ce soir et demain à 17 h., les Tsêrdziniolè font leurs deux dernières cabrioles sur scène. Une affaire d’ânes, en chansons !

Anne Marie Yerly