No j’an jou la tsanthe d’avi l’abé Perritaz kemin inkourâ d’la pèrotse dè Vupin, è ithre vouèthâ ouna tyinjanna dè j’an. Chè pridzo iran on vretâbyo bouneu, pri di pochyin di dzin din lou ya dè ti lè dzoa. I chavè dre chin ke fayê è bayi dou korâdzo. M’è chovinyo k’on omo dè Lê, bin konyu a Bulo, chè tinyê totè lè demindze ou dari ban dou mohyi, po achoroyi hou bounè parolè.

Dèvan l’ofèrtéro, no j’an chovin oyu di prèyirè farmo galéjè è bin chintu. Tinke ouna: «Din la dzeniyire, kan la dzeniye tsantè pye fè tyè le pu, l’afére ne virè pâ ryon. Po lè minâdzo ke chè tsèrkoton prêyin le Chinyà».

Parto yô chi bon prithre dè rèthèta l’a pachâ, i léchè tyè di bi chovinyi. Prâ dè dzin l’an pu chè rèvêre è trovâ bin dou piéji a yêre chè dou lêvro. I chè jénè pâ dè dre kemin lè dzin dè nouthron tin li-yan du chè piéyi ou rètsinyè d’la rèlidzyon. Tan mi k’ou dzoa d’ora lè tsoujè l’an bin tsandji. Irè le momin.

Ora l’abé Perritaz pâchè chè viye dzoua a Humilimont. Môgrâ l’âdze è chè rèbritsè, i chàbrè pyin dè nyêrga. Lè dzin ke yêjon La Grevîre chon farmo benéje dè rinkontrâ dè tin j’in tin La Louise dou pèrtchyà. Por mè, l’é totèvi prà dè dzouyo d’alâ le trovâ. On chè rèbetè chu pi.

Vonvon Kolly

Souvenir de paroissien

Nous avons eu la chance d’avoir l’abbé Perritaz comme curé de la paroisse de Vuippens, et d’être gâté pendant une quinzaine d’années. Ses sermons étaient un véritable bonheur, près des gens dans leur vie de tous les jours. Il savait dire ce qu’il fallait et donner du courage. Je me souviens qu’un homme de Loi, bien connu à Bulle, se tenait tous les dimanches au dernier banc de l’église, pour écouter ces bonnes paroles.

Avant l’offertoire, nous avons souvent entendu des prières très jolies et bien senties. En voilà une: «Dans le poulailler, quand la poule chante plus fort que le coq, l’affaire ne tourne pas rond. Pour les ménages qui se querellent, prions le Seigneur».

Partout où ce bon prêtre apprécié a passé, il ne laisse que de beaux souvenirs. Beaucoup de gens ont pu se revoir et trouver du plaisir à lire ses deux livres. Il ne se gêne pas de dire comment les gens de notre temps ont dû se plier aux contraintes de la religion. Tant mieux, aujourd’hui les choses ont bien changé. C’était le moment.

Maintenant, l’abbé Perritaz passe ses vieux jours à Humilimont. Malgré l’âge et ses accrocs, il reste plein de vigueur. Les gens qui lisent La Gruyère sont fort contents de rencontrer de temps en temps La Louise du perchoir. Pour moi, j’ai toujours beaucoup de joie d’aller le trouver. On se remet sur pied.

Vonvon Kolly