Po lè dou-thin j’an dè la vela, no j’an rètrovâ di viyo koujin, fithâ avui là, rapêlâ di kothemè dè lou payi, lè j’akutâ kontâ lou ya. No j’an vèku di momin mèmorâbyo. No j’an yu lè tsemin ke l’an grapyi avui pêna,in mile vouè-thin djij’è vouète. Akutâ l’ichtouâre dou gran è pènâbyo tin ke lou j’a fayu po chè dèprindre de la mijére dou keminthèmin. L’i chon arouvâ. L’an di galé bin, di balè vatsè, dou bon lathi. I pyanton achebin dou kâfé, de la kana a chukro, di j’orandzè, on mache dè frete. L’an dou travô in vela, din di burô, di fabrekè.

No j’an achebin rinkontrâ di pouro, l’an pâ ti fê fortena. I chàbron dzoyà, konfyin, chè fan pâ dou pochyin po rin. Ma, fô bin dre ke lè j’otoritâ, léva-lé, chon pâ lè chanpion dè l’onithètâ. Lè pouro chàbron pouro è lè retso kemandon.

L’avantura l’è…