Deché-delé

Alâ yô por ithre trantyilo? Ke chè deji chi dzoun’omo ke voutyivè apri dou têrin po fére na méjon.

Chon chènia l’i dejê: «T’â dou travô in vela, tè fô tè tinyi in vela.» «In vela? Ma fi na! La vela l’è tru dondzeràja po lè j’infan, l’i a on trafi dou diâbyo, ti hou gàze ke vo j’inpojenon. Ouna monchtra chèta dzoua-r’è né; chin kontâ la drouga. Na, na, in vela, djamé!»

«Ou bin, din on galé velâdzo trantyilo, te porê kurtiyi on bokon, tè promenâ ou grant’ê.» «On velâdzo? Chènia, te châ pâ chin ke l’è: lè hyotsè dou mohyi tè rèvèyon a chi j’àrè dou matin, I chànon ti lè kâr d’àra, chin kontâ lè mèchè. Lè hyotsètè di vatsè. Pu l’i a lè tsin ke dzapon, lè pu ke tsanton, lè trakteur ke rèfrànon, lè j’oji ke chubyon. Pu adon te châ, kan i lujaton l’è la fin dou mondo! Na, na djamé a…