Le payjâdzo dè nouthron payi l’è diora kemin on mochi dè fre d’Emmental: gravalâ dè pèrtè dè totè pâ. Bin chure ke lè dzin l’an fan dè chè tinyi intye-là, trantyilamin. Po chin, i fô bâti di méjon. On n’in vê dè totè kolà è dè totè fouârmè.

Kan l’è le momin dè kroji hou fameu pèrtè, i rinkontron chovin di pechintè chorèprêchè: Di mu ke dâton dè Chârlemagne, di fouchè di j’Èlvête ou bin di j’ârmè dè Romin. A chi momin… chè pouinton lè Monuman Ichtorike! Pâ po rire! Lè travô chon arèthâ, lè j’ôverê pyaton d’inpahyinthe è lè j’architèkte chon inradji.
Dou tin dè la dêrire dyêra, din lè j’an karanta, to chin pachâvè kemin na lètra a la pouchta; fô bin dre ke l’an fê prà dè grôchè bètijè, a la bârba di j’otoritâ. L’è bin damâdzo kan mimo.

Din on velâdzo, vo deri pâ yô, i krojivan po na méjon.…