M’in d’an kontâ yê, ouna tota galéja. Din ouna famiye dè Velâ-che-Mon l’an on galé piti tsa. L’è to dzouno, ma i dyon ke l’è fêrmo kuryà. I ch’inmandzè parto yô i fô pâ.
On bi dzoua l’a vanâ, le lindèman irè pâ rèpri. Kan on moujè a la route ke pâchè tan pri di méjon, grôcha pouêre! Pyêna d’èchpouâre, la dona l’a kan mimo èprovâ chu «internet», l’a betâ la foto dou minon… on châ djamé.
Kotyè j’àrè pye tâ, ouna rèponcha, dèvenâdè du yô, du Thêrnya! Ma, kemin chin l’a pu arouvâ? Hè bin, a Velâ- che-Mon, le martyan dè pèchon irè pachâ le dzoua dè la dichparichyon dou fugèri. Du tin ke l’omo levrâvè cha martchandi, le rôdeu ch’è ch’irè dzubyâ din la kamionète… ateri pê le foumè di pèchon. Le martchyan l’è rèmodâ in kontre le Dzâvro chin chè mèfyâ dè rin. I Fô krêre ke le tsa l’a pachâ kotyè vouêrbè dè panike parmi lè pèchon è la yache. Pu ch’è ètsapâ a la premire okajyon, in Thêrnya, yô ouna dame l’a yu rôdâ ha bèthèta.
L’a rèkonyu la foto dou dichparu d’ «internet». Inke don kemin le minon l’a rètrovâ cha famiye.
Anne Marie Yerly
Un drôle de voyageur
On m’en a raconté une toute jolie. Dans une famille de Villars-sous-Mont, ils ont un joli petit chat. Il est tout jeune, mais ont dit qu’il est très curieux. Il s’enfile partout où il ne faut pas.
Un beau jour il a filé, le lendemain il n’était pas de retour. Quant on pense à la route qui passe si près des maisons, grande peur ! Pleine d’espoir la mère de famille a tout de même essayé Internet elle y a mis la photo du minet…on ne sait jamais.
Quelques heures plus tard une réponse, devinez d’où, de Cerniat ! Mais comment cela a-t-il pu arriver ? Et bien, à Villars-sous-Mont, le poissonnier était passé le jour de la disparition du fugitif. Pendant que l’homme livrait sa marchandise, le rodeur s’était glissé dans la camionnette, attiré par le fumet des poissons. Le marchand est reparti en direction du Javroz sans se méfier de rien. Il faut croire que le chat a dû passer quelques moments de panique parmi les poissons et la glace. Il s’est échappé à la première occasion, à Cerniat, où une dame a vu errer cette bestiole.
Elle a reconnu la photo du disparu d’Internet. Voici comment le minet a retrouvé sa famille.
Anne Marie Yerly