Pâ alêgro d’ithre dzouno, din lè j’an karanta-thinkanta. L’i avê tyè lè parin, le réjan è Moncheu ke l’avan réjon. Irè tyachon dè djindre. N’in konyecho yon, kan irè to dzouno k’amâvè tan la mujika, i tsantâvè bin, è po dzuyi a la fanfàre, l’avan pâ fôta dè konthêrvatouâre in chi tin. L’arè rin kothâ a chè parin. È bin le chènia irè kontre, to irè de!

Po fére partya dè la chochyètâ dè mujika, din nouthron velâdzo, lè j’omo (rin dè fèmalè bin chure) dêvechan achebin fére partya dou tsan, chu la louye. Irè on pechin bi kà. Totè lè demindzè inke, è pâ rintyè a la Mècha, a Viprè achebin!

Mon koujin Jean-Jo, na bala vouê dè bâcha dza to dzouno, l’a dèmandâ por intrâ din la chochyètâ. Irè pâ rin! L’è j’akchèptâvan rintyè apri on vote a buletin chèkrè. N’in d’avi yon parmi lè viyo tsantre, ke tinâvè ti lè novi. Lè dzouno l’avan rin a fére par inke. Le kandida atindê din le pouêrtso le rèjulta dou «chkutin». L’avan dichtribuâ di piti papê yô i betâvan «ouê» ou bin «na»! Le chènia a Jean-Jo irè dèkouthè chi rônèri k’amâvè pâ lè novi. Chi-inke l’a dèmandâ ou chènia dè l’i aprèthâ chon krèyon, l’an bin chure gugâ… è l’an yu ke markâvè «NA».

Pâ fôta dè dre ke le ouê l’a pachâ hô la man. In ch’indalin du la rèpètichyon, le viyo rèmolâvè din cha mouchtatse: « L’è po rin dè vôtâ, chon tré-ti pour!»

Anne Marie Yerly

Un grognon

Par facile d’être jeune dans les années quarante-cinquante. Il n’y avait que les parents, le maître d’école et le curé qui avaient raison. J’en connais un qui aimait bien la musique, il chantait bien et pour jouer à la fanfare il n’y n’avait alors pas encore besoin de conservatoire. Il n’en aurait rien coûté aux parents. Et bien le père était contre, tout était dit!

Pour faire partie de la fanfare, dans notre village, les hommes (point de femme naturellement) devaient aussi faire partie du chant, sur la tribune. C’était un très bon chœur. Tous les dimanches là, et pas qu’à la messe, aux Vêpres aussi.

Mon cousin Jean-Jo, une belle voix de basse déjà tout jeune, fit sa demande à la société de chant et musique. Ce n’était pas rien! On ne les acceptait qu’après un vote à bulletin secret. Il y en avait un, parmi les vieux chantres qui détestait toutes les nouveautés. Les jeunes n’avaient rien à faire par là. Le candidat attendait au corridor le résultat du scrutin. On avait distribué de petits papiers où l’on inscrivait « oui » ou « non ». Le papa de Jean-Jo était à coté de ce râleur qui n’aimait pas les jeunes. Celui-ci lui a demandé de lui prêter son crayon, ils ont bien sur guigné… et ils ont vu qu’il écrivait «non».

Pas besoin de dire que le oui a passé haut la main. En s’en allant, après la répétition, le vieux marmonnait dans sa moustache: «C’est pour rien de voter, ils sont tous pour!»

Anne Marie Yerly