Chi mo, vo le chédè prou chur, no vin du le viyo tin. Lè tropi poyivan dè furi, dato di j’armayi. Le propriyètéro di modzon, tourè, vatsè è kotyè pouê po la litya, chobrâvè ou bâ, le tsôtin. D’outon, lè j’armayi dêvechan rindre le tropi chantyènè. Le patron organijâvè ouna bouna marinda, po l’okajyon. Kan le tropi pachâvè a travê lè velâdzo, irè fitha. Ti lè kabaretyé l’avan a kà dè lè bin abrèvâ! Anfin lè j’armayi!

Ma, in chi tin, lè routè iran pâ inkonbrâyè dè j’oto. Vint’è thin kilomêtre l’ou fajê rin apouêre. Lè bithè, k’âmon pâ le goudron, alâvan bon trin chu lè tsemin. Ou dzoua d’ora vo puédè lè vêre alâ chu lè ruvè, chu la toupa… kan n’in d’a adi. Pu fô pâ gravâ tru grantin hou ke chon prèchâ. Inke portyè la treda l’è pye kourta.

Lè tradihyon puon tsandji. La pràva: hou balè Rindyè ke no j’an yu chtou tin pachâ. In Tsêrmê, a Erbivuè, a Chinchâlè; ti hou bi tropi bin alekâ, èthreyi, botyatâ, hyotsatâ, è lè chenayirè dèvan. Hou ke lè menâvan alâvan kemin din le viyo tin, lè pye dzouno dèvan è lè pye viyo dèrê. Ti in bredzon, in dzakiyon, dzoyà, chejin. Pu dèrê, bin chur, le trin dou tsalè è cha kouvêrta rodze.

Ma ouê, lè pochubyo dè krèâ di tradihyon, l’an totè keminhyi on dzoua! Mimamin lè tsemijè!

Anne Marie Yerly

La Rindya

Ce mot, vous le savez sûrement, nous vient du vieux temps. Les troupeaux alpaient au printemps avec des armaillis. Le propriétaire des génisses, taures, vaches et quelques cochons pour le petit-lait, restait en plaine l’été. En automne, les armaillis devaient rendre le troupeau sain et sauf pour la désalpe, littéralement. La «rendue». Le patron organisait un bon souper, pour l’occasion. Quand le troupeau passait à travers les villages, c’était la fête. Tous les cafetiers avaient à cœur de les bien abreuver. Enfin, les armaillis.

Mais en ce temps-là, les routes n’étaient pas encombrées de voitures. Vingt-cinq kilomètres ne leur faisaient pas peur. Les bêtes qui n’aiment pas le goudron, allaient bon train sur les chemins. Aujourd’hui, vous pouvez les voir marcher sur les bords, sur l’herbe… quand il y en a encore. Et puis, il ne faut pas gêner trop longtemps ceux qui sont pressés. Voilà pourquoi le trajet est plus court.

Les traditions peuvent changer. La preuve: ces belles désalpes que nous avons vécues ces temps passés. A Charmey, à Albeuve, à Semsales; tous ces beaux troupeaux, bien préparés, étrillés, fleuris, avec clochettes, et sonnailles devant. Ceux qui les conduisaient allaient, comme dans le vieux temps, les plus jeunes devant et les plus vieux derrière. Tous en bredzon, en dzaquillon, joyeux, agréables. Et puis derrière bien sûr, le train du chalet et sa couverture rouge.

Mais oui, on peut toujours créer des traditions, elles ont toutes commencé un jour! Même les chemises!

Anne Marie Yerly