I chon achurâ ti mouâ, lè vangle dè nouthron viyo tin. Kan on kontè chin i dzouno dè vouè, l’an dou mô dè krêre ke di dzin dinche égjichtâvan. No chinbyè portan ke l’i a pâ tan grantin.

Lè pye viyo chè chovinyon  dè Djan Gugler, chuvin yô li dejan Le Gougue, vêr-no irè Gougelè. No j’ôtro lè j’infan, chin moujâ a mô, no l’i bramâvan: «Gougelè, Trontsè». Faji a kotô dè chè korohyi, no fajê di grô j’yè, pu, i fajê on pâ ou dou in’an, rintyè po no j’inpontâ. L’a djamé-rin fê dè mô a nyon. L’a nyon robâ. I pachâvè chon tsemin, lè dzin l’i bayivan on piti ôtyè, na tacha dè kâfé, i alâvè dremi chu le fin, ou bin din lè j’èthrâbyo d’evê. Le tsôtin pê lè montanyè, i pèrèyivè; i fajê di galé mu, in pêrè chètsè, intrè-mi di patheryà.

On ôtro, li, irè on bokon choulon, rochè è pâ tan kemoudo. Ma, irè bin rèchu kan mimo. I dejê k’irè choua, ma pâ por to! On dzoua, i goutâvè a la Pèràja, na grôcha méjon ke tsê in rina ou dzoua d’ora. Din ouna famiye dè rèthèta, di dzin ke l’avan le kà chu la man. Du goutâ, on di dzouno k’irè a l’ôtro bè de la grôcha trâbya, l’i a fê, de na pitita vouê: «Vo volê on vêrelè?» L’a achtou de ouê! Chin l’a bin oyu.

Anne Marie Yerly

Nos trimardeurs

Ils sont certainement tous morts, les rôdeurs de notre vieux temps. Quand on raconte ça aux jeunes d’aujourd’hui, ils ont du mal de croire que ces gens existaient. Il nous semble pourtant qu’il n’y a pas si longtemps.

Les plus anciens se souviennent de Jean Gugler, en certains endroits on l’appelait Le Gougue, chez nous c’était Gougelet. Nous, les enfants, sans penser à mal, nous lui criions: «Gougelet, Petit tronc». Il faisait semblant de se fâcher, il nous faisait les gros yeux, puis il faisait un pas ou deux en avant, rien que pour nous effrayer. Il n’a jamais fait de mal à personne. Il n’a personne volé. Il passait son chemin, les gens lui donnaient un petit quelque chose, une tasse de café au lait, il allait dormir sur le foin, ou dans les étables en hiver. L’été dans les montagnes, il épierrait, il faisait de jolis murs de pierres sèches, entre les différents pâturages.

Un autre, lui, était un peu soulon, roux et pas commode. Mais il était bien reçu quand même. Il disait qu’il était sourd, mais pas pour tout. Un jour, il dînait à La Perrausa, une grande maison qui hélas tombe en ruines aujourd’hui. Dans une bonne famille, des gens qui avaient le cœur sur la main. A la fin du repas, un des jeunes qui était à l’autre bout de la grande table, lui a fait, d’une toute petite voix: «Voulez-vous un petit verre de goutte?» Il a aussitôt dit oui, ça, il l’a bien entendu.

Anne Marie Yerly