Chin ke lè dzin puon batayi po di j’afére dè rin. Kan on moujè le bouneu ke no j’an d’ithre din on payi in pé; fô ithre bin konplikâ po ronyachii è nyéji dinche.

I-vo dza yu on velâdzo yô l’an rin-mé dè hyotsè, rin-mé dè tsan dè pu è rin-mé dè tsin ke dzapon? Di tsin ouê, ma kotâ a trè ou katro din on tinyèmin, chin l’è pêrmè. È bin ouê, n’in d’a di velâdzo dinche! 

L’i a mimamin di j’inkourâ ke l’an dèmandâ dè fére a tyiji lè hyôtsè dè lou mohyi, dè né. Chin i vou a dre: «Rin-mé dè j’Èmâryè le matin» puchke lè hyotsè chon mudè. On è kan mimo pâ fotu d’intindre chenâ lè j’àrè, outre la né! Tota ma ya, lè hyotsè (hà di vatsè è lè j’ôtrè) m’an brechi, i m’an djamé inpatyi dè dremi, a dou-thin mêtre dou mohyi.

Hou ke l’an le trin ke pâchè dèjo lou fenithrè chon bin kontin dè le prindre le matin por alâ ou travô, i fâ mé dè chèta tyè le pu, è vouéro dè kou pêr né!

Adon, a taskon cha chèta, a tsakon chè ronyè, ma, ouna kanpanye chin le gloryeu tsan dou pu, l’è bin trichto. 

Anne Marie Yerly

Beaucoup de bruit pour rien

Ce que les gens peuvent batailler pour des riens! Quand on pense que nous avons le bonheur de vivre dans un pays en paix; il faut être bien compliqué pour grogner et chercher noise ainsi.

Avez-vous déjà vu un village où il n’y a plus de cloches, plus de chant de coq et plus de chiens qui jappent? Des chiens oui, mais enfermés à trois ou quatre dans un appartement, ça, c’est admis. Et bien oui, il y en a, des villages comme ça!

Il y a même des curés qui ont demandé de faire taire les cloches de leur église, la nuit. Cela veut dire «plus d’Angélus le matin» puisque les cloches sont muettes. On est tout de même pas fichu d’entendre sonner les heures, pendant la nuit! Toute ma vie, les cloches, (celles des vaches et les autres) elles m’ont bercée, elles ne m’ont jamais empêchée de dormir, à deux cent mètres de l’église.

Ceux qui ont le train qui passe sous leurs fenêtres sont bien contents de le prendre le matin pour aller au travail, il fait plus de bruit que le coq, et combien de fois par nuit!

Alors, à chacun son bruit, à chacun sa grogne, mais, une campagne sans le glorieux chant du coq, c’est bien triste.

Anne Marie Yerly