I dyon ke l’è le tin di fithè. Tyintè fithè, le vo dèmando? Pê bouneu ke no chàbrè, a no lè viyo, lè bon chovinyi di Tsalandè d’on yâdzo. No no j’inkotyivan to bounamin. No no rèdzoyivan dè fithâ in famiye, outoua de na bouna marinda è dè rèchuêdre du tin j’in tin on piti ôtyè. Lè kadô, irè Chin Nikolé ke l’è j’avê aportâ. Ou dzoua d’ora, lè la korcha apri totè chouârtè dè bregolichè. Chin kontâ to chin ke l’è apèdji amon lè ramirè di méjon.
A propou dè hou fameu «Père Noël», on in tràvè parto, di grô, di piti. Mè dèmando bin chin ke moujon l’è kotyè j’infan ke l’i krêyon adi, kan on n’in rinkontrè din ti lè kâro. L’é yu a la télé, ke l’a chon velâdzo in Finlande ke dyon. L’a rèchu mé d’on milion dè lètrè di j’infan dou mondo. L’è na galéja kothema, chu d’akouâ. Ma, va-the rèpondre, è invouyi a tsakon chin ke l’a dèmandâ? Prà dèmandon rintyè la pé vêr-là!
Vo vo chovinyidè poutithe achebin dè chin ke no j’an yu l’ôtri ou Yemen, ouna fiyèta dè chat’an in trin dè muri dè fan.
An-no adi l’èchpri de la Fitha?
Anne Marie Yerly
L’esprit de la Fête
On dit que c’est le temps des fêtes. Quelles fêtes, je vous le demande? Heureusement qu’il nous reste, à nous les vieux, les bons souvenirs des Noëls d’entant. Nous nous préparions doucement. Nous nous réjouissions des fêter en famille, autour d’en bon souper et de recevoir de temps en temps un petit quelque chose. Les cadeaux, c’était St Nicolas qui les avait apportés.
Aujourd’hui, c’est la course a toutes sortes de babioles. Sans compter celles qui sont pendues aux façades des maisons.
A propos de ces fameux Père Noël, on en trouve partout, des gros et des petits. Je me demande bien ce qu’en pensent les rares enfants qui y croient encore, quand ils en rencontrent dans tous les coins. J’ai vu à la Télé, qu’il a son village en Finlande, paraît-il. Il a reçu plus d’un million de lettres des enfants du monde. C’est une jolie coutume, je suis d’accord. Mais, va-t-il répondre et envoyer à chacun ce qu’il a demandé ? Beaucoup ne demandent que la paix chez eux!
Vous vous souvenez peut être aussi de ce que nous avons vu mardi soir; au Yemen, une fillette de sept ans en train de mourir de faim.
Avons-nous encore l’esprit de la Fête?
Anne Marie Yerly