L’i a than-t’an, l’Europe chohyâvè dè benéje. Mile nou thin djijè-vouète irè anfin pachâ: l’avan fithâ la fin de la dyêra dè katouârdzè. L’avan avutrâ la gripe dè djijè-vouète, ha krouye pèchta ke l’avi menâ tru dè mondo ou chimetyéro, chuto di dzouno, A pou pri in mimo tin, la rèvoluchyon in Russie tyâvè le tsar è cha famiye… è le fameu Ceausescu vinyê ou mondo. On’an pâ fachilo, on’an a oubyâ.

Than-t’an apri, inke-no don in dou mile djijè-nà. L’è le momin dè vou kouâdre a totè è a ti on Bon Dzoua dè Boun’An. Lè premi dzoua chon pachâ bin chure, ma y dyon ke chè pour fére din to le mê dè janvyé. 

I vu achebin vo rèmarhyâ po vouthrè bon mèchâdzo d’amihyâ, mimamin vouthrè konpyumin, chin, i fâ ridamin pyéji. I èchpêro, por vo, po nouthron payi, ke chi l’an novi no j’apouârtèrè tyè dou bouneu è chuto la pé.

Anne Marie Yerly

Bonne Année

Il y a cent ans, l’Europe respirait. Mille neuf cent dix-huit était enfin passée; on avait fêté la fin de la guerre de quatorze. On avait anéanti la grippe de dix-huit, cette affreuse peste qui avait emporté trop de monde au cimetière, surtout des jeunes.

Presque en même temps, la révolution en Russie assassinait le Tsar et sa famille… et le fameux Ceausescu venait au monde en Roumanie. Une année pas facile, une année à oublier.

Cent ans plus tard, nous voici donc arrivés en 2019. C’est le moment de vous souhaiter la Bonne Année. Les premiers jours sont passés bien sûr, mais on dit que ça peut se faire dans tout le mois de janvier.

Je veux aussi vous remercier pour vos bons messages d’amitié, et même parfois vos compliments, ça fait rudement plaisir. J’espère pour vous, pour notre pays, que l’an nouveau nous apportera que du bonheur et surtout la paix.

Anne Marie Yerly