A la hyèrtâ dou chèlà chè fôfelin intrè chè brantsè, è, a la brijon dè chè foyè, kemin anyatâyè pêr on galan; on viy’âbro trônâvè cholè ou mitin dou dzordi. L’èthê on grô pèrê k’on yâdzo irè j’ou fèrtilo. Élâ! Chè fajê viyo.

On matin, on’omo k’irè a non Kà dè Pêra, chè dèchidâ dè le fotre bâ. Dèvan ke bayichè le premi kou dè drèthô, l’âbro li di:

– N’in d’é pâ mé po grantin, La Granta-Chètse va dyora mè ramachâ. Chôpyé! Te vudré pâ achachinâ on pouro murechin ke t’a bayi tan dè bi pre. 

Le ruchto li rèbrekè:

– Chu mô dzoyà dè tè rounyi, ma, l’é fôta dè bou.

Agiyi chu ouna brantse, in tsetsèyin on ranchinyolè li fâ:

– Dè grâthe! Tè fô pâ le kutchi, no j’an rintyè li po niyi, pu kan ta fèna vin ch’achètâ dèjo chon onbrâdzo, no la rèdzoyin dè nouthron tindro ramâdzo.

In rijolin, l’omo bayè le premi kou dè drèthô. Achtou, ouna gravalâye dè j’â rinyon du le tron in li dejin:

– Mouja vê! Che te no robè ha rèkatse, kemin farin-no po tè bayi chi bon mê ke t’anyatè la gardyèta?

Ruminèri, Kà dè Pêra ch’è inhyenâ, l’a léchi ch’ètsapâ ouna lègrema pu, cha drèthô chu l’èpôla l’è rintrâ intye- li, l’ârma dzoyàja d’âvê léchi vèkechin le viyo pèrê.

Moralitâ: Din on kà dè pêra, chovin chè katsè on takon dè vèlu.

Bèrnâ Chaney

Cœur de Pierre et le vieux poirier

A la clarté du soleil se faufilant entre ses branches, et au murmure de ses feuilles, comme caressées par un galant, un vieil arbre trônait seul au milieu du verger. C’était un gros poirier, qui jadis avait été fertile. Hélas, il se faisait vieux.

Un matin, un homme appelé Cœur de Pierre, s’est décidé de l’abattre. Avant qu’il ne donne le premier coup de cognée, l’arbre lui dit: «Je n’en ai plus pour longtemps, la Grande Sèche va bientôt me ramasser. S’il te plait, tu ne voudrais pas assassiner un pauvre mourant qui t’a donné tant de belles poires!» Le grossier manant lui réplique: «Je ne suis pas heureux de te couper, mais, j’ai besoin de bois.»

Perché sur une branche, en gazouillant un rossignol lui fait: «De grâce, il ne te faut pas le coucher, nous n’avons que lui pour nicher, et quand ta femme vient s’asseoir à son ombre, nous la réjouissons de notre tendre ramage.»

En riant, l’homme a donné le premier coup de cognée. Aussitôt un essaim d’abeilles jaillit du tronc en lui disant: «Pense un peu! si tu nous vole cette cachette, comment ferons-nous pour te donner le bon miel qui te caresse la gorge.»

Pensif, Cœur de Pierre s’est incliné, il a laissé échapper une larme puis, sa cognée sur l’épaule, il est rentré chez lui, l’âme joyeuse d’avoir laissé en vie le vieux poirier.

Moralité: Dans un cœur de pierre se cache souvent un brin de velours.

Bernard Chaney