Kan vo dyo ke le patê l’è pâ mouâ! La demindze pachâye, lè Patêjan de la Grevire, ke chon ora mé dè chi-thin minbro, chè chon rinkontrâ in achinbyâye. La chéanthe keminhyivè pê dou tèâtro. Pâ n’inpouârtè tyin tèâtro.

La Toupena ouna komèdia dè Nono Purro l’a intrètsantâ la châla, ouna châla pyêna a borè. Po n’in chavê mé, vo dèvethrê l’i alâ, dechando trèdzè d’âvri a vouèt’àrè dou dèvêlené, ou bin demindze katouârdzè a duvè j’àrè le du-midzoua. Di dzouno j’akteu dè rèthèta, bin betâ in thêne, din di bi dèkouâ chonyi. I vô la pêna. Krêdè-mè!

On dzouno achebin, Maxime Pittet, va rèprindre la pyathe dè Jean-Marie Liard, ou komité di Patêjan. Chi dzouno chè prèjintâ, grahyà, din on to bon patê. L’a dèvejâ dinche, rin dè papê! Vo vêdè don, ke lè dzouno fan pâ rintyè a kotô. I no j’a bayi la pràva ke li, i charè dèfindre chon patê… in patê. Rèmarhyin dè to kà.

Anne Marie Yerly

Du nouveau

Quand je vous dis que le patois n’est pas mort. Dimanche dernier, les Patoisants de la Gruyère, qui sont à présent plus de 600 membres, se sont rencontrés en assemblée annuelle. La séance commençait pas du théâtre. Pas n’importe quel théâtre.

La Toupena, une comédie de Nono Purro a enchanté la salle, une salle bondée. Pour en savoir plus, vous devriez y aller, samedi soir 13 avril à 20 h. Ou dimanche 14 à 14 h. De jeunes acteurs talentueux, une belle mise en scène, de beaux décors soignés. Ça vaut la peine. Croyez-moi!

Un jeune aussi, Maxime Pittet, va reprendre la place de Jean-Marie Liard, au comité des Patoisants. Ce jeune homme s’est présenté, gracieux, dans un patois parfait. Il a parlé spontanément sans notes. Vous voyez donc que les jeunes ne font pas semblant. Il nous a donné la preuve qu’il saura défendre son patois… en patois. Merci de tout cœur

Anne Marie Yerly