Chovinyidè-vo kemin on chè chonyivè lè din, din nouthron dzouno tin. Pâ tan bin, po prà dè dzin. L’è veré ke medjivan mi; pâ tru chukrâ, de la tsê bal-é-bin tsêya; ma, la broche a din irè pâ tan oujâye. 

L’è po chin ke, chovin, a l’intoua dè vint’an, irè tru tâ po rètakounâ è inbotchi ti lè pêrtè. Adon, le dantichte faji a danhyi chè j’ètenâyè, è lêvi lè din. On galé rathali, to nà, bi bian, amèyorâvè le fô-ri di viktimè. Lè fôthè-din, chon cholidè, i douron che to va bin, le richto dè nouthra ya. 

Ma, i pou arouvâ kotyè kou ke fô kan mimo lè j’ôthâ. Che vo j’alâdè a l’èpetô è ke vo fô pachâ chu le trabetsè, vo dêdè lè trére. Dè kothema, i vo lè rindè. Ma, i pou arouvâ pê mâlà po lou propriètéro, ke chon ègarâyè. Kotyè pâ din ha grôcha méjon.

L’è chin ke l’è arouvâ a kôkon ke konyecho bin. L’a atindu bin kotyè chenannè, ma to por on kou… l’a rèchu on patyè du l’èpetô. Bèniràja: anfin mè fôthè-din! Din le patyè: on rathali… ma irè pâ le chyo!

Chin fâ ke n’in d’a dou, ou bin duvè, ke lou fudrè medji dou papè, ou mintè po kotyè tin. 

Po kotyè din!

Anne Marie Yerly

Un dentier rôdeur

Vous souvenez-vous comme l’on se soignait les dents, dans notre jeune temps. Pas très bien, pour beaucoup. C’est vrai que l’on mangeait mieux, pas trop sucré, la viande était pas mal coriace, mais, la brosse à dents n’était pas trop usée.

C’est pour ça que, souvent, vers les vingt ans, il était trop tard pour réparer et boucher tous les trous. Alors, le dentiste faisait danser ses tenailles, et adieu les dents. Un joli râtelier, tout neuf, tout blanc, améliorait le sourire des victimes. Les fausses-dents sont solides, elles durent si tout va bien, le reste de notre vie.

Mais il peut arriver parfois qu’il faille quand même les ôter. Si vous allez à l’hôpital et que vous devez passer sur le billard, vous devrez les enlever. D’habitude on vous les rend. Mais il peut arriver, malheureusement pour leur propriétaire, qu’elles soient égarées. Quelque part dans cette grande maison.

C’est ce qui est arrivé à quelqu’un que je connais bien. La personne a attendu quelques semaines, mais tout à coup, elle reçoit un paquet de l’hôpital. Heureuse, enfin mon dentier! Dans le paquet: un râtelier, mais ce n’était pas le sien.

Ce qui fait qu’il y a deux personnes qui devront manger de la purée, au moins pour quelques temps. Pour quelques dents!

Anne Marie Yerly