Deché-delé

Chi mo, l’è pâ fachilo a konprindre. Du yô no vinyon, lè moudè è lè kothemè? Fô-the rèmontâ farmo yin, farmo in hô din l’ichtouâre dè nouthron payi? Totè lè moudè l’an tsandji, è du l’i a thinkant’an, onko pye rido tyè dèvan. Kan vo dèvejâdè avui lè dzouno, por là, thinkant’an in êrê l’è dza la prè-ichtouâre.

Chu di viyè foto dè mil nou-thin dji, l’i a di j’armayi in mandzeron, l’an rin dè bal-èthêla ou kol, rintyè la brodèri alintoua. A propou di bal-èthêlè, ou dzoua d’ora, on lè tràvè chu lè tsemijè bleuvè, è mimamin on bokon parto. È bin, chin l’è na novala mouda. Portyè pâ! Lè tradihyon l’an totè keminhyi on dzoua. Adon portyè pâ n’in d’invintâ di novalè?

Lè chochyètâ dè tsan keminthon achebin a tsantâ di «viyo tsan», ke dâton di j’an vouètanta. Lè le bon moyin d’invitâ lè…