Deché-delé

Inke no don a l’àra d’evê. Le pu tsantè kemin dè kothema, ma tru tâ d’apri le rèlodzo. Le mohyi chànè lè j’Èmâryè dèvan li. On châ pâ mé a tyin chin chè vouâ. A pêna rèvèyi, on chè dèmandè kan le dzoua va arouvâ. Dzin è bithè l’an dou mô dè rèprindre lou j’èchpri.

Dè furi, l’è pâ parê, fô ch’abadâ pye vuto tyiè la natura, chin i pour bayi di galéjè chorèprêchè. Kemin chin ke l’è arouvâ a on dzouno payjan dè mon velâdzo, l’i a dè chin dza bin di j’an, adon ke l’avan invinhyena hou novalè j’idè pê ver-no.

On dèvêlené, cha fèna, mafite, chè ch’irè betâye ou yi ôtyè pye vuto tyè li. Dèvan chin, l’a prê chouin d’avanhyi le rèlodzo è le rèvèye d’oun’àra. Che n’omo, rin prèchâ, l’a fê, kemin dè kothema, on piti toua pê lè j’èthrâbyo, to irè in ouâdre. To por on kou, i chè moujè…