Deché-delé

No j’an dèvejâ dè l’inkourâ dè vêr-no, la chananna pachâye. Mè rèvin vouè on ôtro chovinyi: l’abbé Noël. Chi bon prithre tinyê la Pêrotse dè Chin Dyan, a la Bâcha Vela. L’avê on bokon dè parintâ intye-no, lè po chin ke no l’an yu kotyè kou. I j’intêrêmin, è a la Bénichon bin chure.

Irè fêrmo d’ amâ din cha pêrotse. Po lè pouro, l’arè bayi cha tsemije. È di pouro, a la Bâcha, n’in d’avê prà, è di grôchè famiyè din la mijére. Kan on di grôcha famiye, in chi tin, to le mondo chavê ke lè fèmalè n’iran pâ a la Bènichon ti lè dzoua. Lè j’omo iran pye chovin ou kabarè tyè ou mohyi!

A propou dè kabarè. L’Abbé l’i pachâvè kotyè kou, la demindze dumidzoua. Tyachon dè dèvejâ avui hou riboteu, è tâtchi dè lè rindre ôtyè pye rèjenâbyo. I chavê rire, kontâ di gougenètè. Avu chin, lè dzin…