I vu dèvejâ dè Tutu, nouthron prèjidin di patèjan d’la Grevire è achebin dou Tyinton. Li-ya kotiè tin no l’an oyu din l’èmihyion Intrè-No dè Radio Friboua. L’a bin betâ in-n’an to chon pochyin è to le travô ke bayè po mantinyi nouthron patê. Bin chur ke chtou tin, to l’è rinvouyê (athinbyâye, téâtre è tan dè balè tsoujè), ma fô kan mimo ithre inke po rèmodâ d’on bon pi.

Kemin ti hou ke pâchon a chi l’èmihyion, Tutu no j’a aprê on bokon chin ke l’a fê dè cha ya tan k’ora. L’é ratinyê le pachâdzo dè chon tin yô irè bouébo dè tsalè. L’è farmo galé kan i kontê k’on kou i dèchin vê Erbivouè avu l’èga è katro bidon dè hyà din le bredi. Dè kothema, n’in d’a tyè dou, ma le gârdo ke l’a yu pachâ n’a pâ chintu ke din lè dou bidon d’è-pye, ly-avi dou bok a chonyi ou kabarè d’Erbivouè. Fo dre ke le mêtre-armayi, on bokon brakonyé a chè j’ârè, irè to kontin dè ravitayi chon frârè karbatyé.

Chin mè fâ a moujâ ke chu achebin jou bouébo dè tsalé. On tsôtin, no j’iran a Têra-Rodze, ou Piti-Mon, é fayi chonyi on piti kurti a la Dradzena ke no vinyan dè tchithâ. Alfred, l’armayi, m’invouyè ou tsalé d’avô po arari lè rirochètè. N’é pâ oujâ dre ke chavé pâ tyè k’irè dè arari è l’é trê in pechyin kâro. N’é pâ fôta dè dre ke kan Alfred l’a yu chin, ma fotu ouna pechyinta voulâye.

Vonvon Kolly

Notre président

Je veux parler de Tutu, notre président des patoisants de la Gruyère et du Canton. Il y a quelque temps, nous l’avons entendu dans l’émission Intrè-No de Radio Fribourg. Il a bien mis en avant tout le souci et le travail que cela donne pour maintenir notre patois. Bien sûr que ces temps, tout est renvoyé (assemblées, théâtre et tant de belles choses), mais il faut quand même être là pour repartir d’un bon pied.

Comme tous ceux qui passent à cette émission, Tutu nous as appris un peu ce qu’il a fait de sa vie jusqu’à présent. J’ai retenu le passage de son temps où il était garçon de chalet. C’est très joli quand il raconte qu’une fois il descendit vers Albeuve avec la jument et quatre bidons de crème dans le tilbury. De coutume, il n’y en avait que deux, mais le garde-chasse qui l’a vu passer, n’a pas senti que dans les deux bidons de plus, il y avait deux chamois à livrer au café d’Albeuve. Il faut dire que le maître-armailli, un peu braconnier à ses heures, était tout content de ravitailler son frère, cafetier.

Cela me fait penser que j’ai aussi été garçon de chalet. Un été, on était à Terre-Rouge, au Petit-Mont, et il fallait soigner un petit jardin à la Dradjena, qu’on venait de quitter. Alfred, l’armailli, m’envoie au chalet d’en-bas, pour éclaircir les carottes. Je n’ai pas osé dire que je ne savais pas ce que c’était qu’éclaircir, et j’ai arraché  un puissant carré. Je n’ai pas besoin de dire que quand Alfred a vu cela il m’a donné une puissante engueulée.

Vonvon Kolly