Le dou dè fèvrê, tantyè i j’an thinkanta, irè on dzoua «a pan bènê». Chin, i vou adre k’irè ouna fitha din lè parotsè. Irè le dzoua yô i portâvan, ou mohyi, di tsandêlè, di tsandèlètè, po lè fére a bèni pê le prithre. Le pan bènê irè dichtribuâ ou mohyi, tsakon n’in prenyê on piti mochi, no no chinyivan avouê, pu no le medjivan.

Ou dzoua d’ora, rin-mé dè pan bènê, prèchke rin-mé dè tsandêlè. No no chin betâ i pilâ! La kothema no vin du l’i a mé dè katro-thin j’an. A Ràma, le pape l’a dèmandâ dè fithâ la Prèjintachyon dè Jésus ou Temple, le dou dè fèvrê. I fajan di prochèchyon avui di hyêrdzo inprin. Pu apri, i dichtribuâvan de la bonbeniche a ti lè pouro dè la vela dè Ràma. La tradihyon di pilâ ke no j’an ou dzoua d’ora, no vin prou chur dè chin.

Pilâ y grétè, i pomè, i rejenè. No j’an achebin lè pilâ ou forni, ou chantsè, i j’èpenatsè. Chukrâyè, chalâyè, l’i a dè tyè chè règalâ.

Pu po fourni, mè rèvin chin ke dejê ouna dama ke l’é bin konyu. I amâvè pâ tru cha vejena, adon i dejê dè li: «L’a ouna titha a fére di pilâ a rin!»

Anne Marie Yerly

Chandeleur

Le 2 février, jusqu’aux années cinquante, était un jour à «pain béni». Ce qui veut dire que c’était une fête dans les paroisses. C’était le jour où l’on apportait à l’église, des chandelles, des bougies, pour les faire bénir par le prêtre. Le pain béni était distribué à l’église, chacun en prenait un petit morceau, nous nous signions avec, puis nous le mangions.

Aujourd’hui, plus de pain béni, presque plus de bougies. Nous nous sommes mis aux crêpes. La coutume nous vient d’il y a plus de quatre cents ans. A Rome, le pape a demandé de fêter la Présentation de Jésus au Temple, le 2 février. L’on faisait des processions avec des cierges allumés. Ensuite on distribuait des friandises à tous les pauvres de la ville de Rome. La tradition des crêpes que nous avons aujourd’hui nous vient probablement de là.

Crêpes ou omelettes, aux cerises, aux pommes, aux groseilles. Nous avons aussi l’omelette «au four», au sang de porc, aux épinards. Sucrées, salées, il y a de quoi se régaler.

Et pour finir, me revient ce que disait une dame que j’ai bien connue: Elle n’aimait pas trop sa voisine, alors elle disait d’elle: «Elle a une tête à faire des omelettes à rien!»

Anne Marie Yerly