Dèman l’è le Grô dzoua! No van nomâ nouthrè prèkô! L’ou kouâjo a ti bouna tsanthe. Pâ fachilo, ou dzoua d’ora dè prindre chè rèchponchabilitâ, dè fére pachâ chè j’idé è dè chè fére rèchpèktâ. Achtou in pyêthe, on lou pâchè rin.

Kan on vê din lè payi alintoua, è achebin din le nouthro, ti hou grô bounè ke pâchon dèvan lè tribunô, kotyè tin apri avi fournê lou tâtso. L’an de di dzanyè, l’an robâ, l’an katchi di j’afére tràbyo è choche è chin. La konhyinthe dè hou dzin, l’è yô? L’an lodji din di tsathi… i van puri in prèjon. Bi l’avinyi!

Vôtâ l’è pâ rin. Fô bin li moujâ dèvan. Ma, mè fô kan mimo vo kontâ ôtyè dè pye dzoyà. L’i a dè chin poutitre chaptante an, a la Chochyètâ dè Mujika dè mon velâdzo, kan on dzouno dèmandâvè dè keminhyi la mujika, i fajan vôtâ ti lè minbro. Fachilo, iran ti benéje dè vêre arouvâ on dzouno. Ma, n’in d’avê yon, on viye-dzouno k’amâvè pâ tan lè tsandzèmin. I chobrâvè moutsè din chon kâro, lè duvè man i fatè, budjivè pâ. L’i an dèmandâ che- n’avi; l’a de, inradji: «Lè po rin dè vôtâ, chon tré-ti “pour”».

Anne Marie Yerly

Allez voter

Demain c’est le grand jour! Nous allons nommer nos autorités! Je leur souhaite à tous bonne chance. Pas facile, aujourd’hui de prendre ses responsabilités, de faire passer ses idées et de se faire respecter. Aussitôt en place, on ne leur passe rien.

Quand l’on voit dans les pays alentours, et aussi dans le nôtre, tous ces gros bonnets qui passent devant les tribunaux quelques temps après avoir accompli leur mandat. Ils ont menti, ils ont volé, ils ont caché des affaires louches, et ceci, et cela. La conscience de ces gens, où est-elle? Ils ont logé dans des châteaux… ils vont pourrir en prison. Bel avenir!

Voter n’est pas rien. Il faut bien y penser avant. Mais, il me faut quand même vous raconter quelque chose de plus joyeux. Il y a de ça peut être septante ans, dans la Société de musique de mon village, lorsqu’un jeune demandait à commencer dans la fanfare, l’on faisait voter tous les membres. Facile, tous étaient contents de voir arriver un jeune. Mais, il y en avait un, un vieux garçon qui n’aimait pas trop les changements. Il restait muet dans son coin, les deux mains aux poches, il ne bougeait pas. On lui a demandé son avis; il a dit, enragé: «C’est pour rien de voter, ils sont tous “pour”».

Anne Marie Yerly