Din hou tin dè kouêrla, la ya l’è pâ tan alêgra, dzouno viyo dêvon chobrâ prudin. Prà dè dzin l’an rin-mé dè travô, di j’ôtro chon malâdo, L’i a achebin di dzin dèjèchpèrâ. Ma, le furi rèvin to bounamin, nouthrè j’otoritâ fan tsemin è manêrè po no rachurâ. No fô toparê lou fére konfyanthe. Moujâdè on bokon, che no j’iran a lou paythe, tyè farin-no?

Moujâdè achebin a ti hou ke chon kotâ, a hou ke chon cholè. Du li a bin kotyè j’an, l’é le pyéji d’alâ, avu na bouna miya, din di méjon dè rèpou, fére on bokon dè patê. No van kontâ, dèvejâ, tsantâ, oun’àra ou duvè. Chin no fâ dou bin, è chuto a hou dzin ke l’an on grô pyéji. To chin lou rapêlè le viyo tin, di galé chovinyi ke l’an vèku kan iran pye dzouno. I ché ke pê Bulo, le fan achebin. L’è di piti chêrvucho ke kothon rin è ke fan pyéji.

Adon, chàbrin konfyan. Apri la pyodze, le bi tin, ke di le rèvi. Nouthron payi l’è pâ in dyêra, no j’an djamé j’ou, nè fan nè frê, le chèlà l’è totavi j’ou rèvinyê.

A ti lè j’ami dè hou bounè méjon, pu achebin a ti hou ke lè chonyon: amihyâ è bounè dzoutè!

Anne Marie Yerly

Entre nous

En ces temps de pandémie, la vie n’est pas trop belle, jeunes et vieux doivent rester prudents. Bien des gens n’ont plus de travail, d’autres sont malades. Il y a aussi des gens désespérés. Mais, le printemps revient tout doucement, nos autorités font «chemins et manières» pour nous rassurer. Il faut tout de même leur faire confiance. Pensez un peu, si nous étions à leur place, que ferions-nous?

Pensez aussi à ceux qui sont isolés, enfermés, à ceux qui sont seuls. Depuis quelques années, j’ai le plaisir d’aller, avec une bonne amie, dans les foyers pour personnes âgées, faire un peu de patois. Nous allons raconter, parler, chanter, une heure ou deux. Ça nous fait du bien, et surtout à ces personnes, qui en ont grand plaisir. Tout ça leur rappelle le vieux temps, des jolis souvenirs qu’ils ont vécus quand ils étaient jeunes. Je sais qu’à Bulle, on le fait aussi. Se sont de petits services qui ne coûtent rien et qui font plaisir.

Alors, restons confiants. «Après la pluie, le beau temps», dit le proverbe. Notre pays n’est pas en guerre, nous n’avons jamais eu ni faim ni froid, le soleil est toujours revenu.

A tous les amis de ces bonnes maisons et aussi à tous ceux qui les soignent: Amitiés et bons baisers!

Anne Marie Yerly