Deché-delé
L’i a dè chin bin di j’an in êrê. D’evê, prà dè tsaroton alâvan apri di biyon amon la dzà. Chin derâvè bin di chenannè, du le gran matin ou né, du le delon matin ou dechando né.
On dè chtou j’omo, l’avê dou «Ruban», di tsavô cholido, ke menâvan ti lè dzoua di biyon a la réche.
Ouna demindze du la mècha, l’inkourâ dèmandè a chi l’omo dè le menâ din la parotse vejena, po dre lè Viprè. Irè pâ tan yin, le payijan d’akouâ. Du goutâ i apyêyè on dè chè pikre ou trinô, pu chin va a la kura. I tsêrdzè Moncheu, pu lêvi! L’inkourâ dè la paroste pridjivè tan grantin, ke lè dzin dremechan on fyè tro dou lon dou pridzo. Po fourni to le mondo l’i dejê «la Réche».
Tsemin fajin,l’inkourâ l’i di: «L’è têrubyamin pyanê, ton famau Ruban. I cheri tru tâ po lè Viprè.» L’ôtro l’i rèpon: «Vo vêdè…