Ou kurti

En patois
En français

Hou ke l’an rin dè kurti puyon pâ chavê le pyéji ke bayè, in dèpye dè ti lè bon kurtiyâdzo. Du le mi dè mâ on keminthè a gugâ le barô. Mè, i chu on bokon kemin lè dzeniyè, achtou ke la nê ch’in-va, mè fô fro. I dyon bin ke fô chènâ lè piti pê a la Chin Dzojè; chi fâchèyà chti-an, no j’a invouyê na pechinta è frêde bije. Mâgrâ chin, mè pê krèchon dza bin. Chti matin, l’é betâ lè pre dè têra.

Nouthra bouna dona la Têra, no bayè to, fô rintyè li betâ on bokon d’élo dè kàdo. Moujâdè bin ke chin k’on tràvè ou kurti l’a bin mé dè vayà tyè chin k’on atsitè din lè boutekè. Ouna chalârda k’arouvè drê a l’othô kotyè menutè dèvan midzoua, le pye rochè, lè brinlètè, lè j’inyon adi to frè, chin l’è ôtyè.

L’é rèmarkâ ke vo puédè chin pêna pyumâ ouna tomata ke vin drê du le kurti; chin fayê la pyantâ din l’ivuè kouèjinta.

Ora bon! Proumatêre dèvejâ, mè fô ou kurti, tot’a l’àra.

Anne Marie Yerly

 

 

 

Au jardin

Les gens qui n’ont pas de jardin ne peuvent pas savoir le plaisir qu’il donne, en plus de tous les bons légumes. Dès le mois de mars l’on commence à regarder le baromètre. Moi, je suis un peu comme les poules, aussitôt que la neige s’en va, je dois sortir. L’on dit bien qu’il faut planter les petits pois à la Saint Joseph, ce farceur cette année, nous a envoyé une forte et froide bise. Malgré ça mes petits pois grandissent déjà bien. Ce matin j’ai planté les pommes de terre.

Notre bonne mère la Terre, nous donne tout, il faut seulement y mettre un peu d’huile de coude. Pensez bien que ce que l’on trouve au jardin a bien plus de valeur que ce que l’on achète dans les magasins. Une salade qui arrive à la cuisine quelques minutes avant midi, le persil, les ciboulettes, les oignons encore tous frais, ça, c’est quelque chose!

J’ai remarqué que vous pouvez éplucher sans peine une tomate qui vient tout droit du jardin; sans falloir la tremper dans l’eau bouillante.

Maintenant c’est bon! assez parlé, je vais au jardin, tout de suite.

Anne Marie Yerly

Catégorie: 

Annonces Emploi

Annonces Événements

Annonces Immobilier

Annonces diverses