I fô kotyè kou rèbuyi din lè terin. Vo l’i trovâdè di trèjouâ. L’i a dza kotyè j’an ke André Brodâ, le fe a Dzojè a Marc no j’a tyithâ. Pê bouneu, chè j’infan l’an pâ léchi dremi chè balè poèji è chè konpojichyon dè mujika.

On poête dinche ch’inkontrè pâ ti lè dzoua. Tru modèchte po lè publèyi mimo, André l’a pachâ on fyê l’èretâdzo a chè j’infan. I chàbrè adi prà dè balè tsoujè ke chon adi bin tsantâyè. Po le mi dè mé, l’é le pyiéji dè vo bayi a konyêthre on tro d’ouna dè chè poèji.

Bi mi dè mé,mê tan galé, no volin tè tsantâ, no volin tè fithâ.

Vouè no chin ti dzoyà, no tsantin dè bon kà, por vo galéjè dzin, no tsantin le bi tin.

Chu le lindâ, chin tarlatâ vinyidè akutâ, kemin no chan bin tsantâ, in patê, in franché.

Nouthrè tsan tan galé. No moujin in tsantin, a vouthron dzouno…