Ma poura tè! L’orgouè mônè dè l’êrdzin t’arê-the fê a katenâ? L’i a rin grantin, a l’intrâye, on vêyê onkora di galé modzon patherâ alêgramin. Pê mâlà, vouè, di dzin ke chon inkrâyè din l’êrdzin, l’an dèchidâ dè tè rènovalâ. L’an fotu bâ di galé kartchi, l’an avutrâ di galéjè kotsè dè toupa. Krin-krà l’an fotu bâ di j’âbro. Bin chur, kemin i dyon: «No lè rèpyantèrin.»
Ma, an-the moujâ a vouéro dè j’an on âbrelè l’a fôta po betâ a chokrê ouna niya d’ojalè?
A ti hou novi kartchi l’an bayi di non intrètsantâre: «les jardins de la Pâla», «le portail de Bulle», «le cœur de La Tour» è adi-apri … l’an mimamin dèchidâ dè rèfére la gâre. Toparê, tyinta gâre! Ôtyè a fére a bavâ d’invide ouna «mégapole». Borâye dè magajin ke chàbrèron ourâ la demindze è ti lè dèvêlenè tantyè a djij’arè. Pu dinche, i dyon ke volon idji lè pititè boutekè dè la vela. In dèpye dè hou chindzèri, l’an dèchidâ dè batchi ha pouta bâtiche, kranpounâdè-vo bin: «Velâdzo». Mè, lou j’ari pechyâ propoujâ «Bouèton».
On piti konchèye dè ma pâ a ha binda dè gadzenèri: mèfyâdè-vo è, moujâdè a «la renaye ke volê chè fére ache grôcha tyè le bà».
Bèrnâ Chaney
Bulle, jolie petite ville
Ma pauvre! L’orgueil mal placé de l’argent t’aurait-il faire divaguer? Il n’y a pas longtemps, à l’entrée, l’on voyait encore de gentilles génisses paitre allègrement. Malheureusement aujourd’hui, des personnes avides d’argent, ont décidé de te rénover. Ils ont abattu un joli quartier, ont anéanti de jolis endroits de verdure. Ils ont durement abattu des arbres. Bien, comme ils disent: «Nous les remplacerons».
Mais, ont-ils pensé combien d’années un petit arbre a besoin, pour mettre à l’abri une nichée d’oiselets?
A ces nouveaux quartiers l’on a donné des noms enchanteurs: «Les jardins de la Pâla», «Le Portail de Bulle», «Le Cœur de la Tour» et ainsi de suite. L’on a même décidé de refaire la gare! Voyons, quelle gare! De quoi faire baver d’envie une mégapole. Bourrée de magasins qui resteront ouverts le dimanche et tous les soirs jusqu’à dix heures. Et ainsi, l’on dit qu’ils vont aider les petites boutiques de la ville! En plus de ces singeries, ils ont décidé de baptiser cette laide bâtisse, cramponnez-vous bien: «Village». J’aurais moi, plutôt proposé «bouèton».
Un petit conseil de ma part à ces amateurs: «Méfiez-vous , pensez un peu à «La grenouille qui voulait se faire aussi grosse que le bœuf».
Bernard Chaney