Lè ryondênè

Bin ouê, lè ryondênè chon rèpri! L’aran-the adi di motsè è di muchiyon po pachâ le tsôtin vêr-no in bouna chindâ? Fudrè vêre.

On dè mè ptit vejin, on bouébelè dè djij’an, l’a la pachyon di j’oji. I pâchè chon tin libro, è chovin a la pejka dou dzoua, a gugâ lè nyolè, lè j’âbro. I rôdè dou lon di j’adzè avui chon «aparèye a foto». N’in d’a trovâ mé dè vin chouârtè. L’a léchi di chpatse fére lou ni, din on inkrena dè cha fenithra… l’an portan ouna méjon tota nàvoua. Bravô.

L’a achebin dou pyiéji a oure le tsan dou pu din le vejenan! Chin ke l’è pâ totavi le ka din nouthrè kotsè dè kanpanye.

Lè mayintsètè ke tsanton vouè le mi dè mé, lè Tsêrdziniolè dè vêr-no ke l’an rèkeminhyi a tsantâ… mâchkâ, lè j’agachè ke fan lou ni chu l’âbro dou vejin, la tartarèla turke l’è achebin…