Mon pére-gran, no l’i dejan ti parin, kemin on bokon parto din lè famiyè. I dèvejâvè pâ tan, ma i amâvè no kontâ kotyè j’on dè chè chovinyi.

No j’avan rèmarkâ k’irè on bokon prin-bè, don, on bokon gorman. On dzoua ke no medjivan ouna motèta dè tyivra, l’a teri on nâ pâ pochubyo! Vo j’amâdè pâ chin, parin?

L’è adon ke no j’a kontâ chin ke l’i irè arouvâ. Outre le tsôtin, k’alâvè in montanye, trovâ chè modzon, l’a jà ne chorèprêcha. Le vajiyê è la vajiyêre vouêrdâvan achebin, kemin irè la kothema, on piti tropi dè tyivrè.

L’è jou bin rèchu. Kâfé nê, pan… è motèta! Li, k’amâvè bin lè «galéjè tsoujè», l’a trovâ ke la dama l’avê di fêrmo bi pê, on lordo chinyon, bon, irè bin chejinta.

I medjivè cha motèta avu pyéji, tot’in dèvejin avu le vajiyê. To por on kou, l’a keminhyi a achintre, intrè chè din, ôtyè ke lemounâvè, pâ-mé moyin dè matchi adrê. L’a fayu fro. L’è adon ke la trovâ chin k’irè: Vo chédè, kan on chè pinyè, i chàbrè chovin di pê ke ch’akroutson ou pinyo ou bin a la broche. Vo j’inbortoyidè hou pê chu le dê, vo fédè on piti ploton pu lêvi d’ato! Ma, la poura vajiyêre chè krêyin dè fyêre chin din le fu… irè tsejê din le tsoudèron dè lathi!

Du chi dzoua, l’a pâ-rè fayu li prèjintâ de la motèta.

Anne Marie Yerly

Grand-père et la tomme

Mon grand-père, nous l’appelions tous parrain, comme un peu partout dans les familles. Il ne parlait pas beaucoup, mais il aimait nous raconter quelques-uns de ses souvenirs.

Nous avions remarqué qu’il était fin bec, donc un peu gourmand. Un jour que nous mangions de la tomme de chèvre, il a tiré un nez pas possible! Vous n’aimez pas ça, parrain?

C’est alors qu’il nous a raconté ce qu’il lui était arrivé. Un été, qu’il allait en montagne, trouver ses génisses, il eut une surprise. Le garde-génisses et sa femme gardaient aussi, comme c’était la coutume, un petit troupeau de chèvres.

Il fut bien reçu. Café, pain… et tomme de chèvre. Lui, qui aimait bien les belles choses a trouvé que la dame avait de fort beaux cheveux, un grand chignon, bon, elle était agréable.

Il mangeait la tomme avec plaisir, tout en parlant avec le garde-génisses. Tout à coup, il a commencé à sentir entre ses dents, quelque chose de gluant, plus moyen de mâcher correctement. Il est sorti. Il a alors trouvé sa surprise. Vous savez, quand on se coiffe, il reste souvent des cheveux qui s’accrochent au peigne ou à la brosse. Vous enroulez ces cheveux sur le doigt, vous faites un petit peloton, puis vous le jetez. Mais, la pauvre dame, croyant le jeter au feu… il était tombé dans le chaudron de lait!

Depuis ce jour, il ne fallut plus lui présenter de la tomme de chèvre.

Anne Marie Yerly