Deché-delé

Parmi totè lè viyè mârèri ke trênon din mon burô, l’é rètrovâ, (in fajin on bokon d’ouâdre) la licha di chobretyè di velâdzo dou tyinton. L’i a mé dè dou-thin velâdzo ke l’an lou chorènon. I vinyon chovin de n’ichtouâre, d’ouna lèjande, ou bin d’ouna krouye fâcha ke l’è arouvâye din le viyo tin.

Ma, l’i a achebin lè chorènon di dzin, din ti hou velâdzo. L’è pâ rin, krêdè-mè. Fachilo a konprindre; parto di grochè famiyè yo i bayivan le non dou chènia, pu dou pére-gran, adi apri. Di famiyè dou mimo non k’iran pâ dè parin, kemin fére po lè dèchèparâ? Bin, l’ou bayivan to chinpyamin on chobretyè. Pâ tan onorâbyo kotyè kou!

Po lè velâdzo, vo lécho dèvenâ du yô chon, lè Bârbè chètsè, lè j’Orgoyà, lè Kanon dè bou, lè Brâtha bàja, lè j’Inmoyà, lè j’Âno ou bin lè Korbé!

Dèvejâ di dzin…