Demindze pachâye, no j’an fithâ le Patron dè nouthra parotse, on dzoua a tsanbèta! Le galé mohyi dè Vê chin Piéro n’in d’è tèmouin, puchke l’i a to pri dè mile an ke nouthrè j’anhyian l’an bâti ou dèchu di ruvè de la Charna. Le velâdzo ch’èthindê a l’intoua dou mohyi. La tradihyion no di bin ke chin Piéro irè pâ tan fachilo a vivre dou tin k’irè le premi di j’Apôtre… i dejan mimamin k’irè na grôcha titha.
Vo n’in volê la pràva? Che vo j’alâdè a Vê Chin Piéro, cha chtatu l’è adi chu l’ouchtâ. Ma, ou chèdzimo chyêkle, la pèchta l’a avutrâ le mondo. Lè pêrotsin l’an dèchidâ d’abandenâ le velâdzo. L’an èchartâ lè dzà de la Konbê po fére le Trivô ke no j’an vouè. On novi piti mohyi, kotyè karbôlè. Moncheu l’a adon dèchidâ dè prindre amon la galéja chtatu.
L’an betâ chin Piéro din le modèchte mohyi. Le lindèman matin… irè lêvi! Chon rè-alâ apri, l’è rèmodâ. Po fourni lè dzin l’an moujâ ke chi grô tèthu chè pyéjé pâ par inke. Moncheu l’a de: «Mè krêyo ke fudrê le léchi dèchidâ mimo yô i fô bâti chon mohyi.» L’an adon fichalâ la chtatu chu le bâ d’on galé piti l’âno. Chi inke l’è modâ alêgramin tantyè a on indrê ke l’i dyon Frontin. Chè betâ a dzènâ inke. To irè de, l’an fê a che n’idé. Inke portyè no chin ti chobrâ di j’âno, ma, le velâdzo l’a rin dè bouênè.
Anne Marie Yerly
La Saint Pierre
Dimanche dernier, nous avons fêté la patronale de notre paroisse, un jour à jambon! La jolie église de Vers-St-Pierre en est témoin, puisqu’il y a tout près de mille ans que nos ancêtres l’ont bâtie, au-dessus des rives de la Sarine. Le village s’étendait autour de l’église. La tradition nous dit bien que Saint Pierre n’était pas si facile à vivre au temps où il était le premier des Apôtres. On disait même qu’il avait une grosse tête.
Vous en voulez la preuve? Si vous allez à Vers-St-Pierre, sa statue est encore sur l’autel. Mais au seizième siècle, la peste avait anéanti le monde. Les paroissiens ont décidé d’abandonner le village. Ils ont défriché les forêts de la Combert pour faire le Treyvaux que nous avons aujourd’hui. Une nouvelle petite église et quelques cabanes. M. le curé a alors décidé de prendre la jolie statue.
On a mis Saint Pierre dans la modeste église. Le lendemain matin il était parti. Ils sont allés le rechercher, il est reparti! Pour finir les gens ont pensé que ce gros têtu ne se plaisait pas là. Le curé a dit: «Je crois qu’il faudra le laisser décider lui-même où il faut bâtir son église». Ils ont alors ficelé la statue sur le bât d’un joli petit âne. Celui-ci est parti allègrement jusqu’à l’endroit appelé Frontin. Il s’est agenouillé là. Tout était dit, on a fait à son idée. Voilà pourquoi nous sommes tous restés des ânes, mais, le village n’a point de bornes.
Anne Marie Yerly