Fiyèta, i amâvo bin alâ pê la dzeniyire, avu mon pére-gran. No j’avan prà dè polaye a chonyi. Ma dona l’avê prou travô, lè don Parin k’irè rèchponchâbyo dè to chin.
Irè le bon tin. Totè lè méjon l’avan di dzeniyè, lè pu dèthorbâvan pâ lè vejin! Le pye galé, l’è kan no betâvan a kôvâ. On bi matin, i dejê : «Ô, n’in d’a ouna ke krâkè!» I prenyê la «krâka», la betâvè chu lè j’à, din on galé piti ni, avu na kâja par dèchu . Trè chenannè dè tin, la dzeniye pahyintâvè pêjubyamin. No l’i bayivan a medji è a bêre. Pu on bi dzoua na djijanna dè pudzin tsetseyivan par inke alintoua. Le tyin bouneu dè vêre kore ha fyêrta niya, menâye pê la dzeniye, pyêna dè pochyin po cha famiye.
No j’avan achebin di buritè. Min vachilo a menâ, iran pye indèpindintè. Lè fayê léchi alâ yô i volan.On dzoua, no j’an yu arouvâ du la grandze, yô no j’avan di grôchè tètsè dè fin, ouna burita è vouè buriton. In katson l’avi fê che n’afére chin no!
Anne-Marie Yerly
Souvenirs de poulailler
Petite fille, j’aimais bien aller au poulailler avec mon grand-père. Nous avions beaucoup de volailles à soigner. Ma maman avait assez de travail, c’est donc Parrain qui était responsable de tout cela.
C’était le bon temps. Toutes les maisons avaient des poules, les coqs ne dérangeaient pas les voisins ! Le plus joli est quand nous mettions à couver. Un beau matin il disait : « Oh, il y en a une qui glousse ! » Il prenait la poule, la mettait sur les œufs, dans un joli petit nid, avec un cageot par dessus. Pendant trois semaines, la couveuse patientait paisiblement. Nous lui donnions à manger et à boire. Puis un beau jour, une dizaine de poussins gazouillaient dans les alentours. Quel bonheur de voir courir cette belle nichée, emmenée par la poule pleine de soucis pour sa famille.
Nous avions aussi des canards. Moins facile à garder, ils étaient plus indépendants. Il fallait les laisser aller où ils voulaient. Un jour nous avons vu arriver, de la grange où nous avions de grands tas de foin, une cane et huit canetons. En cachette elle avait fait son affaire sans nous.
Anne-Marie Yerly