Le tsôtin ke no pâchin, l’è pâ di mèyà. La pyodze è le chèlà fan a la bâra intrè lè nyolè. Lè kurti chon on dzoua innèyi, le lindèman chupyâ. Din lè dzordi, pou dè frete. Lè grétê chon malâdo du l’i a dza kotyè j’an. Rin-mé dè pomè, panyi. La tsejya dou mi d’où, fudrè pâ kontâ dèchu.
Lè tin l’an tsandji. Din le viyo tin, lè dzin prenyan chouin dè lou j’âbro, lè tayivan a la fin dè l’evê è n’in d’avan bin mé tyè ou dzoua d’ora. Fô konprindre, lè grétè, lè rejeni nê è rodzo, n’in fajan di konfiturè. Totè lè chouârtè dè pomè, lè pre, lè pràmè, lè prunô, mimamin lè pre a vèlu, to chin irè èkrajâ, inpèthalâ, pu betâ ou bochè, po fére la gota. I dejan ke fayi bin n’in d’avê po chonyi lè bithè! Lè pre a botsi, po le vin-kouè è la bouna kunyârda. Chin kontâ ke di pomè dàthè è achebin di pre, iran betâ a chètchi po fére lè fameu chètson, vêr-no i dyon di chnètse.
Lè dzin medjivan pâ kemin ora, kotyè tsou, di maringou, di ruta, dou bakon, on bokon dè moye, de la tsanbèta i grantè fithè. Chè portâvan pâ pye mô!
Anne Marie Yerly
Drôle de saison
L’été que nous passons n’est pas des meilleurs. La pluie et le soleil jouent à cache-cache entre les nuages. Les jardins sont un jour noyés, le lendemain grillés. Dans les vergers, peu de fruits. Les cerisiers sont malades depuis quelques années. Plus de pommes non plus. La chute des petites pommes avant maturité, il ne faudra pas compter dessus.
Les temps ont changé. Dans le vieux temps, les gens prenaient soin de leurs arbres fruitiers, ils les taillaient à la fin de l’hiver, ils en avaient bien plus qu’aujourd’hui. Il faut comprendre, les cerisiers, les cassis, les groseillers, on en faisait des confitures. Toutes les variétés de pommes, les poires, les prunes, les pruneaux, même les coings, tout était écrasé, puis mis en tonneau pour faire de la goutte. L’on disait qu’il fallait en avoir beaucoup, pour soigner les bêtes! Les poires à Botsi, pour le vin-cuit et la bonne «cugnarde». Sans compter que des pommes douces ainsi que des poires, étaient mises à sécher, pour faire les fameux «Chètsons».
Le gens ne mangeaient pas comme maintenant, quelques choux, des cotes de bettes, des choux-raves, du lard, un peu de tétine fumée, du jambon aux grandes fêtes. Ils ne s’en portaient pas plus mal!
Anne Marie Yerly