Lè kurti, cht’i tsôtin chon pâ jou tan retso dè kurtiyâdo. Di matin dè dzalâ è di dzornâ dè tanfa. La grêla chuvin yô, pu mimamin di j’ivouâdzo. To chin l’a fê ke nouthrè pouro kurti bayon pâ tan d’afére. Lè chalârdè chon montâyè in granna, lè j’inyon chon adi to rèthrin, lè pre dè têra… oudron ti bin, po la «raclette». Di j’èpenatsè n’in fô pâ dèvejâ. Mè chinbyè portan ke l’é fê parê tyè lè j’ôtro j’an.

Lè faniyoulè adon, l’an bin bayi. Mè chinbyâvo ke l’avé to ramachâ, pu l’ôtri, lé rèmarkâ ke rèkeminhyivan a hyori. Du ma fenithra mè chinbyâvè vêre di galé piti botyè bian. Drôlo d’afére, anfin mè chu dete ke l’an dou mile vint’yon cherè on an patikuyé.

Fô djamé krêre i mèrâhyo! On kou to pri dou mochi dè fanfiyoulè botyiatâyè, l’è trovâ la fâcha: hou bi botyè iran dè hou monètyâ dè mônè ke l’an… di galé botyè bian. Anne Marie Yerly

La farce des haricots

Les jardins cet été n’ont pas été très riches en légumes. Des matins de gelée et des journées torrides. La grêle à certains endroits et même des inondations. Tout ceci a fait que nos jardins ne donnent pas grand-chose. Les salades sont montées en graine, les oignons sont encore tout ratatinés et les pommes de terre…iront toutes bien, pour la raclette. Les épinards il n’en faut même pas parler. Il me semble que j’ai pourtant fait comme les autres années.

Les haricots alors ont bien donné. Il me semblait avoir tout ramassé, puis l’autre jour, j’ai remarqué qu’ils recommençaient à fleurir. De ma fenêtre il me semblait voir de jolies petites fleurs blanches. Drôle de chose, enfin je me suis dit que l’an 2021 serait une année particulière.

Il ne faut jamais croire aux miracles. Une fois auprès de mon carré de haricots, fleuris, j’ai découvert la farce: ces fleurs étaient de ces sales mauvaises herbes… qui ont de jolies fleurs blanches ! Anne Marie Yerly