To le mondo konyè l’avantura a Kolin dè Lecho, tyédè! Po hou ke l’an rin dè mèmouâre, i vo deri ke chi brâv’omo irè pâ tan chuti, ma toparê, l’è li ke l’a krèâ ha galéja lèjande.
Rèpri du la fêre dè Bulo, on dèvêlené bin arojâ, l’a volu abrèvâ che n’èga din le no, ou mitin dè chi bi velâdzo. Kokote bêvechê pye alêgramin tyè chon patron, n’irè pâ jou abrèvâye du le matin, li. Dou tin ke l’ôtro… è bin, n’in d’avê proumatêre.
La lena chè mirâvè din l’ivouè, ma, to por on kou, ouna lorda nyola l’a pachâ din la yê. Rin-mé dè lena din la fontanna. Chi tokelè dè Kolin chè moujâ ke la Kokote l’avê avalâ l’âchtro de la né.
Inke portyè le lindèman, l’omo è cha bithe trapèyivan a chô, in’an le velâdzo. Kolin dejê: «Mè fô la fére alâ! Yêr’ané, l’a avalâ la lena!»
Pouro Kolin, le dzoua yô l’a breji cha pupa (kemin y doyon kan kôkon l’è mouâ), è bin du chi dzoua, la pupa l’è chobrâye pê Lecho, parè. I vo deri pâ din tyinta méjon, chin l’è on chèkrê dè famiye bin vouêrdâ.
Alâdè rintyè fére on toua pê Lecho, vo vêrê ke du chi fameu dzoua, la fontanna l’è j’ou krouvâye d’on galé tê! Ma, di tsavô n’in d’a pâ-mé tan, la lena richkè rin-mé.
Anne Marie Yerly
La pipe de Colin
Tout le monde connait l’aventure de Colin de Lessoc, n’est-ce pas ! Pour ceux qui n’ont plus de mémoire, je vous dirai que ce brave homme n’était pas trop futé, mais tout de même, c’est lui qui a créé cette jolie légende.
De retour de la Foire de Bulle, un soir bien arrosé, il voulut abreuver sa jument dans le bassin, au milieu de ce beau village. Cocote buvait plus allègrement que son patron, elle n’avait pas été abreuvée depuis le matin, elle. Tandis que l’autre…et bien il en avait assez.
La lune se mirait dans l’eau, mais, tout à coup, un gros nuage a passé dans le ciel. Plus de lune dans la fontaine. Ce sot de Colin a pensé que la Cocote avait avalé l’aste de la nuit.
Voilà pourquoi le lendemain, l’homme et sa bête parcouraient à grands sauts tout le village. Colin disait : «Je dois la faire marcher ! Hier au soir, elle a avalé la lune.»
Pauvre Colin, le jour où il a «cassé sa pipe» (comme l’on dit quand quelqu’un est mort), et bien depuis ce jour, la pipe est restée à Lessoc, parait-il. Je ne vous dirai pas dans quelle maison, ceci est un secret de famille bien gardé
Allez faire un tour à Lessoc, vous verrez que, dès ce fameux jour, la fontaine fut couverte d’un joli toit ! Mais, des chevaux il n’y en a plus beaucoup, la lune ne risque plus rien.
Anne Marie Yerly